25/04/2018

“Mentres outros poñen trabas, dende a Deputación de Lugo apoiamos decididamente aos piragüistas e clubs da provincia”

- “A Confederación Hidrográfica tardou máis de 30 anos en descubrir unha rampla que da servizo aos máis de 1.000 piragüistas que a empregan para poder realizar os seus adestramentos”

- A Deputación fará os trámites para legalizar a instalación trala denuncia da Confederación Miño-Sil, que causou gran preocupación aos usuarios da Escola Provincial de Piragüismo

Leer máis

25/04/2018

A Deputación dá formación sobre a responsabilidade patrimonial aos Concellos

- O Deputado de Relacións Institucionais, Álvaro Santos e o Director da Fundación Democracia e Goberno Local, Ramón Camp i Batalla, inauguraron este mércores no Pazo de San Marcos, a Xornada sobre Responsabilidade patrimonial e dereito sancionador, que organiza o Goberno da Deputación, e na que participan catedráticos, xuristas e profesores expertos na materia.

Leer máis

25/04/2018

Máis de 250 padexeiros participarán nas regatas da VIII Liga Provincial de Piragüismo que promove o Goberno da Deputación

- Rivera Capón presentou este martes o campionato que se celebrará durante os meses de maio a setembro nos Concellos de Lugo, Ribadeo, Cervo e Viveiro

- Rivera Capón subliñou que “somos a administración que máis colabora co piragüismo da provincia, pois tan só o ano pasado achegamos máis de 210.000 euros a promoción deste deporte coa posta en marcha do novo hangar de piraguas de Foz, as axudas para os clubs da provincia e as becas para piragüistas lucenses”

- O organismo provincial achega 20.000 euros para a celebración deste campionato, co que promover o deporte base, ademais de dinamizar a economía dos Concellos da provincia nos que se celebrarán as seis probas das que consta a Liga

- As embarcacións de todas as probas son individuais, tanto K1 coma C1, e participan as categorías veterano, sénior, xuvenil, cadete, infantil A, infantil B, alevín A, alevín B, e benxamín, tanto masculinas como femininas

Leer máis

24/04/2018

“Fronte á mediocridade da oposición, nós facemos política e construímos, achegando aos lucenses o que é seu: 129 millóns de fondos públicos da Deputación”

- “A política debería contar cos máis responsables para exercela, estar arroupada de discursos certos e honestos, relatos construtivos e descritivos; e non dos intereses electorais dunha organización política ou, o que resulta máis mezquino, dunha persoa”

- “Os máis bisoños converteron á política nunha cuestión aritmética. A algúns só lles importa o inmediato, o visible, o curto ... Así, temos a mediocridade, a inquina e a malicia disfrazada de política. Calquera mezquindade se agocha na perversa máxima de que en política todo vale, sabendo o dano que esa farsa fai a política de verdade”

- “Eu non vin á política a facer espectáculo nin ruído, vin a construír para todos os veciños e veciñas. Dende que son Presidente, só me propuxen sacar adiante iniciativas que permitisen a esta provincia, cando menos, sobrevivir e recuperarse do desprezo das políticas de dereitas do PP dende a Xunta e o Goberno Central”

- “Fixemos que a Deputación sexa o motor económico e social da provincia, pois en dous anos e medio, inxectamos máis de 129 millóns: lideramos a obra pública con 55, impulsamos o Estado do Benestar con 31, dinamizamos social e economicamente o rural con 28,5 en turismo e cultura e somos os que máis investimos en deportes con 15”

- “O traballo deste Goberno, coa inestimable implicación dos traballadores públicos, aos que o PP castigou sen razón, supuxo que esta administración sexa hoxe o corazón da provincia, unha Deputación coas persoas, sumamente social e rural”

Leer máis

24/04/2018

Aprobadas, co non do PP, as mocións do Goberno para instar á Xunta a aumentar o investimento para Sanidade e Cultura

- O Pleno da Deputación de Lugo aprobou este martes, co voto en contra do Partido Popular, a moción presentada polo Goberno Provincial para reclamar á Xunta de Galicia a contratación de médicos de atención primaria e un plan de mellora de centros de saúde e atención pediátrica

- “O Goberno da Deputación inviste 9,6 millóns de euros, dende o ano 2015 ata a actualidade, para a atención profesional de máis de 10.000 veciños da provincia de Lugo” destacou na súa intervención López Izquierdo

- O Pleno tamén aprobou, a pesar do non do PP, unha moción, na que se demanda á Xunta que recuperen os fondos de 2008 e 2009 para bibliotecas, fomento da edición e lectura en galego, a normalización lingüística, e mesmo en cooperación ao desenvolvemento

- “O Executivo Provincial promoveu 699 actividades para 515 colectivos cun total de 1.110.101 euros. Só con estas actividades xa superamos o 1% que lle pide á Xunta por parte do Consello da Cultura Galega”, apuntou García Porto

Leer máis

24/04/2018

O Goberno da Deputación garante aos clubs lucenses o uso do Pazo dos Deportes e o ascenso do CB Breogán

- Faino tras aprobarse no Pleno a proposta do Executivo para iniciar o procedemento de cesión destas instalacións ao club celeste. O acordo, que terá unha vixencia de 35 anos, recollerá ademais o dereito de uso deste espazo por parte do resto de equipos

- A aprobación desta medida é fundamental para que o CB Breogán poida equilibrar a súa situación patrimonial e, polo tanto, para superar a auditoría á que será sometido nas próximas datas pola ACB, logo de proclamarse campión da LEB Ouro

- O Deputado subliñou que se trata “dunha cesión que se fai en beneficio de todos os equipos da provincia para dotalos dunha maior seguridade xurídica para que, pase o que pase e veña quen veña, sempre teñan garantido poder utilizar o Pazo”

- Nos dous anos e medio que o actual Goberno Provincial leva á fronte da Deputación, destináronse máis de 15 millóns ao impulso do deporte, ofrecendo unhas 2.500 axudas a equipos profesionais e de deporte base en todas as modalidades ou promovendo a actividade deportiva de máis de 200 entidades lucenses

- Ao inicio da sesión, o Presidente trasladou as súas felicitacións ao Emevé polo ascenso á Superliga. Campos Conde tamén deu os parabéns ao novo Reitor da USC, Antonio López, e agradeceu ao equipo saínte o traballo realizado durante estes anos

Leer máis

23/04/2018

O Pazo de San Marcos acolle este xoves unha conferencia de Juan de Dios Román, promovida polo Goberno da Deputación

- O coloquio enmárcase nun ciclo de actividades en homenaxe ao laureado adestrador de balonmán, que conquistou varias medallas olímpicas e europeas coa Selección Española, así como numerosos títulos á fronte do Alético de Madrid e BM Ciudad Real

- Terá lugar ás 19:30 horas no salón de actos do Pazo de San Marcos, con entrada totalmente de balde, baixo o título O deporte como formación e valores

- Rivera Capón subliñou que “o balonmán conta cunha forte tradición na provincia de Lugo e con este tipo de iniciativas queremos darlle un novo pulo para que volva ter a importancia de antano e, ao mesmo tempo, achegalo aos máis cativos da provincia”

- Os actos comezarán mañá coa charla A nutrición no deporte, a partir das 20:00 horas no Seminario de Lugo. Rematarán cunha ponencia no Vello Cárcere, o venres

Leer máis

22/04/2018

O Museo Provincial acolle mañá un documental que achega o papel clave das mulleres na arte contemporánea galega

- A peza ARTE+MULLER+GALICIA,  está dirixido pola historiadora da Arte, Rosario Sarmiento, e foi galardoado no I Concurso de Ideas ‘Luísa Villalta’ de Iniciativas Culturais pola Igualdade, convocado pola Deputación da Coruña

- O  filme fai un percorrido pola vida e obra de diferentes xeracións de artistas e conta co relato en primeira persoa de creadoras como Fina Mantiñán, Rosalía Pazo, Elena Colmeiro, Berta Cáccamo, Soledad Penalta, Mónica Alonso, María Xosé Díaz, Almudena Fernández Fariña, Menchu Lamas e Tatiana Medal

- Á proxección do filme seguirá un coloquio arredor das circunstancias da muller na arte, aberto ao público, no que participarán varias das artistas

Leer máis

22/04/2018

Campos Conde participa nos actos da X Festa da Bola de Liscos e das Freces de Bretoña, coa que colabora a Deputación

- O Goberno da Deputación renova a súa colaboración cunha achega de 3.000 euros para financiar esta cita coa que se contribúe a impulsar a economía local a través da gastronomía e dos produtos autóctonos

- O Presidente apuntou que “incentivamos a economía local, especialmente no rural, a través da promoción da hostalaría e da artesanía local, desestacionalizando turisticamente o municipio, e xerando riqueza”

- Exposicións de traxe tradicional, olería ou coches antigos, así como actuacións de música do país, completaron a programación desta cita xa consolidada da zona 

Leer máis

21/04/2018

Degústanse máis de 250 litros na Festa do Viño de Negueira de Muñiz coa que colaboran Deputación e Concello

- O Presidente e o Alcalde participaron este sábado na VIII Festa do Viño deste municipio lucense, organizada pola Asociación para a Defensa das Variedades Autóctonas e Viñedos da Ribeira do Navia, coa colaboración dos Executivos Provincial e Municipal

- Campos Conde destacou que “somos conscientes da importancia de apoiar este tipo de iniciativas que poñen en valor os produtos lucenses, dándoos a coñecer, e que incentivan o turismo, pois se prevé a participación de máis de 600 veciños”

- O evento reuniu a 14 viticultores da Montaña Lucense que puxeron a disposición dos asistentes 250 litros de viño. Tamén se puxeron á venda outros alimentos producidos na zona, tales como embutidos, queixos, froitas e hortalizas producidas artesanalmente

Leer máis