Unha estrada provincial de Abadín permanecerá catro meses cortada para executar obras da Transcantábrica
![Imaxe deputación de lugo](/sites/deputacionlugo.org/files/default_images/depulugo001.jpg)
Un treito de dous quilómetros da estrada provincial de Gontán a Reigosa, no Concello de Abadín, está cortado ó tráfico desde este luns para permitir a realización das obras da Autovía do Cantábrico. Está previsto que este corte dure catro meses. Esta medida foi solicitada á Deputación, titular da vía, pola Unión Temporal de Empresas Obras, Caminos y Asfaltos, S.L. e Extraco, Construcións e Proxectos, S.A. para realizar os traballos de construción da Transcantábrica entre Abadín e Careira. Estas obras afectan á C.P. 0103 entre Gontán e Campo dos Regos. A UTE contratada polo Ministerio de Fomento estima que serán necesarios catro meses aproximadamente para construír un paso superior neste punto. Ademais procederase á execución dun paso alternativo para o tránsito de vehículos agrícolas. Os usuarios dipoñen dun traxecto alternativo a través da estrada municipal Gontán-Campo dos Regos. O desvío do tráfico está debidamente sinalizado cumprindo a normativa vixente. A Deputación prega ós usuarios desta vía que desculpen as molestias que lles poida ocasionar o corte de tráfico.