O Plano Director de Turismo presentouse na comarca de A Montaña de Lugo
![](/sites/deputacionlugo.org/files/Imagenes/0_3203_1.jpg)
A Deputada Nacionalista, Vicepresidenta 3ª e Delegada da Área de Turismo, Mª Xosé Vega Bujan presentou hoxe na Real Abadía de Samos, para toda A Montaña lucense, o Plano Director de Turismo da Deputación de Lugo para o período 2008-2011. O Plano Director é o documento oficial da Deputación de Lugo en materia de Turismo no que se reflicten os fins e as súas intencións para o período 2008 2011 en tres grandes apartados : representación dos Concellos, oferta de servizos de calidade e mediación no concepción da estratexia Turística. Este instrumento de traballo converte á Deputación nun elemento dinamizador e coordinador da provincia lucense, partindo do obxectivo xeral de impulsar as potencialidades turísticas e atractivos dos concellos lucenses a través da. Segundo a vicepresidenta terceira este plano director mellora de carencias de xestión existentes do compromiso coa calidade. Este acto dirixiuse non só ás medidas na provincia lucense senón á realidade dos concellos da Montaña e a área da súa influencia, destacando o turismo como complemento económico da zona e o camiño francés como vertebrador do seu atractivo. A esta presentación estiveron convidados todos os sectores que desenvolven a sua actividade socioeconómica e cultural no eido do Turismo : Concellos, Sector Empresarial e Hosteleiro, Institucións, Oficinas de Turismo, etc, etc.