O Presidente da Deputación defende a honorabilidade e inocencia do Alcalde de Lugo no caso Campeón
![Imaxe deputación de lugo](/sites/deputacionlugo.org/files/default_images/depulugo001.jpg)
O Presidente da Deputación, José Ramón Gómez Besteiro, defendeu este martes a honorabilidade e inocencia do Alcalde do Concello lugués, José López Orozco, logo de que o Rexedor municipal anunciase onte que a xuíza do Xulgado número 3 de Lugo, Estela San José, viña de citalo para prestar declaración ó respecto da Operación Campeón o vindeiro 23 de marzo. Gómez Besteiro salientou que tiven a honra de traballar co Rexedor durante moitos anos e o seu comportamento está fóra de toda dúbida.
O titular provincial subliñou que López Orozco, considerado polos cidadáns o Alcalde máis valorado de toda Galicia, sempre interpuxo a defensa da cidade e dos intereses públicos por riba de calquera aspiración persoal ou profesional. Por este motivo, o Presidente pediu o máximo respecto para a súa persoa como sempre fixen con membros doutros partidos políticos na mesma situación.
Besteiro considerou que o Rexedor actuou correctamente denunciando, previamente á citación de San José, ó presunto autor do caso, Jorge Dorribo, por inxurias e calumnias, reclamando 50.000 en concepto de indemnización, logo de nomealo nunha das múltiples declaracións que o empresario lugués realizou ante os Xulgados. A este respecto, engadiu que o Alclade xa interpexera esta denuncia para demostrar, canto antes, que o Concello de Lugo sempre actuo cumprindo con todos os requisitos legais.
Maior axilidade na xustiza
O Presidente valorou que é necesaria unha maior axilidade na xustiza, precisamente, para non cometer inxustizas, subliñando que unha xustiza máis áxil é compatible co rigor policial e xudicial pero tamén coa defensa da honorabilidade das persoas. Besteiro remarcou que se os xuízos non se celebran en tempo e forma, dilatándose durante anos, redundan nunha confusión xeral da cidadanía que afecta moi negativamente á imaxe da provincia e da cidade. Polo tanto, setenciou, pido o maior dos esforzos neste senso.