A Deputación celebra un Concerto de Fin de ano de música clásica na Capela de Santa María
A Deputada de Deseño e Artesanía, Regina Polín, acompañada polo músico Abraham Cupeiro, presentou esta mañá no Centro de Artesanía e Deseño o concerto que terá lugar o vindeiro día 29 de decembro ás 21:00 horas na Capela de Santa María e que suporá un peche de luxo para a programación cultural do CENTRAD deste 2012.
O concerto que se celebrará na Capela, o cal será de balde, incluirá unha ducia de pezas, de estilos que comprenden a música vocal e instrumental, sacra e de trobador, e datadas no período histórico comprendido entre o Baixo Medievo e finais do Barroco. Para elo empregarán instrumentos propias da época, coma o organetto, o cimbalón, o cornetto, a viola dabraccio ou a cítola de 4 cordas. Precisamente, estes dous últimos serán cedidos polo propio Centro de Artesanía para este recital, que mantén unha exposición permanente da súa Coleccción de instrumentos musicais. Esta Colección de Instrumentos Musicais e Obxectos Sonoros foi declarada Visitable pola Xunta de Galicia en decembro de 2008, e non só forma parte do Rexistro de Museos e Colección de Galicia (MUGA), senón que conseguiu, pola súa importancia e sona fóra da nosa terra, que o Ministerio de Cultura a inclúa no Directorio de Museos e Coleccións do Estado.
Polín quixo animar ós lucenses a achegarse ó día 29 ata a Capela de Santa María, posto que será unha oportunidade única para comprender a riqueza que supón contar cunha Colección permanente de instrumentos, así como cun obradoiro artesanal, ó poder escoitar como sonaban estes instrumentos no seu tempo e nun entorno tan especial para elo como é a Capela
Pola súa banda, Cupeiro quixo agradecer a colaboración prestada pola Deputación de Lugo, non só por ceder o estupendo espazo que supón a Capela para interpretar este tipo de música, senón polos reponsables do Centro e en especial, ó Obradoiro de Instrumento Musical
Il Combattimento
O recital será ofrecido polo conxunto multiinstrumental Il Combattimento, nado no 2011 das mans de Diego Segade, María Ruiz e o propio Abraham Cupeiro, os cales contan cun amplo repertorio de música clásica de diferentes épocas e estilos. Este tres rapaces lucenses combinan a súa actividade artística coa educativa, xa que todos eles teñen a súa vida laboral centrada na ensinanza superior de música no Conservatorio Profesional de Música da Coruña, no caso de Cupeiro, e no Conservatorio Superior de Música e no Centro Profesional de Música de Fingoi, en Lugo, no caso dos outros dous compoñentes. Este último Centro tamén presta a súa colaboración, ofrecendo o seu espazo como lugar de ensaios.
Sen embargo, o día 29 na Capela serán 5 os músicos que tomarán parte no mesmo. Il Combattimento contará coa colaboración do músico bielorruso Vadzim Yukhnevich ó organetto e Carlos Vázquez ó cimbalón. Como parte da colaboración entre este conxunto musical e o propio Centro, Abraham Cupeiro traballará directamente cos artesáns do obradoiro musical do CENTRAD para elaborar dous cornetos, un dos cales pasará a formar parte dos fondos do Centro de Artesanía.
Plans de Nadal no CENTRAD
A actividade do Centro de Artesanía non se detén nesta época de Nadal, mantendo abertas mostras que poden resultar un bon plan para estas datas festivas. Ata o próximo día 28 na Capela de Santa María segue aberta ó público a exitosa exposición Nai África- A orixe, que recolle diferentes pezas de xoiería, así coma catro traxes de voda da cultura bereber. O horario de visitas é de luns a venres de , sábados de e domingos e festivos de
Pola contra, a sala de exposicións do CENTRAD acolle a mostra Contando con imaxes, composta por debuxos feitos pola artista lucense Noemí López para ilustrar as páxinas de libros infantís e xuvenís. Neste caso, está aberta ó público de 10:00 a 14:00 horas.
En ambos casos, a entrada é totalmente gratuíta e permanecerán pechadas os días 25 e 1 de xaneiro.
