Comezan as obras de demolición para a creación do edificio de Novas Tecnoloxias do Consistorio lugués, co Plan Urban
O Alcalde de Lugo, José López Orozco, a Concelleira de Economía, Emprendemento e Autónomos, Sonia Méndez, e a Deputada de Artesanía e Deseño, Regina Polín, visitaron esta mañá as obras de demolición de dous edificios anexos á Casa do Concello.
Nesta primeira fase levarase a cabo a demolición dos edificios, o reforzo da cimentación e tamén se farán as excavacións arqueolóxicas pertinentes, e segundo os resultados das mesmas marcaranse os tempos para a licitación da segunda fase. Esta primeira actuación terá un orzamento de 88.111 euros e un prazo de execución de sete semanas.
López Orozco sinalou que este era un proxecto anhelado por moitos dos anteriores alcaldes e que finalmente se pode facer agora grazas aos fondos Feder cos que se financia o Plan Urban que nos permiten o cumprimento deste ansiado proxecto.
Este novo centro, que estará comunicado co actual edificio da Casa Consistorial, contará con dúas plantas. Na planta baixa estará un espazo de atención ao público e haberá equipos informáticos inalámbricos a disposición dos usuarios. Na primeira planta estarán as aulas de reunións que se poderán prestar para xuntanzas de emprendedores e empresarios que carezan dun espazo físico para levalas a cabo.
Finalmente, no baixo cuberta situarase un aula de formación para cursos ou actividades. Como novidade está que as tres plantas estarán en comunicación con diversos espazos abertos. O equipo gañador do concurso de redacción do proxecto foi a empresa lucense Dvega Arquitectura, despois de que a súa propostas fose seleccionada por un comité de expertos.