A Deputación actúa de novo en vias da Montaña por mor da neve
A Deputación actúa de novo en vías da Montaña por mor da neve. Concretamente, está a actuar en Pedrafita do Cebreiro, Folgoso do Courel e Cervantes. Preto de 20 operararios e 12 máquinas quitaneves, todoterreos e ata varios tractores con cuña, están a despexar treitos da rede provincial onde a acumulación de neve oscila entre os 10 e os 15 centímetros. O organismo provincial leva utilizado na xornada de hoxe preto de 1.000 quilos de fundentes.
As estradas provinciais nas que está a traballar son as seguintes:
- Folgoso do Courel: LU-P-1303 De Seoane por Visuña a Ferramulín; LU-P-4505 Del Poio por Louzarela a Teixeira; LU-P-5004 De Cruz de Outeiro por Seara a Ferramulín, e LU-P-1301, 1303, 1305, 1306, 5601.
- Cervantes: LU-P-1401 De LU-723, por Degrada e Piornedo ao límite provincial; LU-P-1404 De San Román a Quindós; LU-P-1405 De Campa da Braña a Tres Obispos; LU-P-1411 De Vilanova al Portelo; LU-P-1412 De Quindós a Robledo, en Pena do Santo a Setecarballos, e as LU-P-0702, 1401, 1402, 1403, 1404, 1406, 1407, 1408, 1409, 1410, 1411, 1412, 3505, 4505.
- Pedrafita do Cebreiro: LU-P-4504 De Pedrafita al Portelo; LU-P-4503 De San Pedro por Busnullán a Nullán; LU-P-4505 De Louzarela por Queixadoiro a Filloval e as LU-P-1301, 1304,4501, 4502.
O organismo provincial manterá activo o dispositivo de inverno durante as vindeiras xornadas para garantir aos veciños e veciñas da zona a seguridade destas vías provinciais.
Dispositivo de Inverno
O Dispositivo de Inverno da Deputación, composto por un total de 112 operarios e 64 máquinas, está a ofrecer asistencia, de xeito totalmente gratuíto, a todos os Concellos da provincia para acondicionar a rede viaria provincial. Entre as máquinas hai quitaneves; tractores con cuchilla e e esparcedor de sal; todoterrenos e 2 vehículos de apoio con material mecánicos como motoserras.
Ademais, a Deputación conta con 235 toneladas de sal para os 12 silos, que se encontran en Cervantes, Folgoso do Courel, Becerreá, A Fonsagrada, Ribas do Sil, Navia de Suarna, Riotorto, O Incio, Ourol, O Valadouro, Pedrafita do Cebreiro e Lugo, que se destinarán, de xeito gratuíto, a todos a calquera dos 67 Concellos da provincia que o necesiten.