A Deputación celebra o X Aniversario do Pazo de Tor reivindicando o seu papel na difusión cultural na provincia
O Presidente da Deputación, Darío Campos Conde, e o Alcalde de Monforte de Lemos, José Tomé Roca, xunto á Deputada de Cultura, Deseño e Artesanía, Pilar García Porto, e outras autoridades, participaron este mércores, acompañados de ducias de veciños, nos actos programados en conmemoración do X Aniversario do Pazo de Tor como museo provincial.
Campos Conde comezou a súa intervención lembrando a Agustín Fernández Paz pois creo que é de xustiza por en valora a figura do ilustre escritor vilalbés que, tal e como el mesmo ten confesado, xa dende cativo sentía fascinación polas instalacións da Rede Museística Provincial, salientou.
O Presidente fixo mención a Dona María de la Paz Taboada de Andrés y Zúñiga; a última propietaria do Pazo de Tor, que doou estas instalacións á Deputación de Lugo. A xenerosidade de Dona María fixo posible que o Pazo de Tor sexa hoxe un referente na divulgación cultural na nosa provincia.
A visita ao Pazo de Tor, non só permite coñecer de primeira man unha das máis importantes mostras da arquitectura galega, senón tamén as salas e dependencias destas instalacións. Nelas, atopamos o mobiliario orixinal e as coleccións artísticas, que a familia de Dona María foi atesourando ao longo dos séculos, convertendo ao Pazo de Tor en testemuña do que foi a Galicia da Idade Moderna.
O titular provincial remarcou a visita é obrigada para todas aquelas persoas que se acheguen á Ribeira Sacra lucense; ademais de ser un dos valores engadidos da zona para merecer a súa declaración como Patrimonio da Humanidade.
Campos Conde agradeceu a todos os colectivos e traballadores da Rede Museística Provincial o intenso traballo que levaron a cabo neste Pazo nos últimos dez ano e que converteron a Tor nun dos museos de referencia no país.
