A cadea crítica dos nosos instrumentos de Xavier Blanco e Os Marcianos non son verdes de Mónica Alonso protagonizarán as actividades do Museo en setembro

Dúas novas exposición temporais instalaranse no múseo durante o mes de agostoO vicepresidente da Deputación, o nacionalista Antón Bao, presentou esta mañá, en rolda de prensa, as actividades que se levarán a cabo no mes de setembro con motivo do 75º aniversario do museo de Lugo. Antón Bao destacou, para este mes de setembro as actividades que desenvolverán o gaiteiro Xavier Blanco e a artista lucense Mónica Alonso. Xabier blanco presentará, o día 6, o concerto A CADEA CRÍTICA DOS NOSOS INSTRUMENTOS no que este, herdeiro de tradicións, centra a súa actividade na recuperación do folclore e da música tradicional galega. Tamén dentro das 75º festas a artista Mónica Alonso levará a cabo o obradoiro OS MARCIANOS NON SON VERDES, será un traballo sobre a ruptura dos tópicos a través da figura ficticia do marciano. Dentro da actividade das 75 festas programaranse, ademais das actividades antes citadas, varias proxeccións de cine documental, unha xornada de xogos populares e unha actividade de maxia co mago Román.Bao informou da inauguración, neste mes, de varias exposicións na salas dependentes do museo de Lugo. A primeira delas foi inaugurada o día 3 de setembro, unha mostra do artista Baldomero Pestana, esta exposición estará aberta ata o día o 2 de outubro. Outra das exposicións que se inaugurará neste mes de setembro será unha mostra do artista Xedes Peón e estará aberta, na sal de exposicións do Pazo de San Marcos dende o día 4 ata o 28 de setembro. O 10 de setembro inaugurase, en colaboración coa fundación Caixa Nova, a exposición de A Divina Comedia de Salvador Dalí, esta exposición estará aberta ata o 12 de outubro. O día 20 de setembro celebrarse unha ximcana poetico-musical co Marta Pumares. E o día 25 o refectorio do museo de Lugo acollerá a revista oral Pazo das Musas.ACTIVIDADES NOS CENTROS DA REDE MUSEÍSTICASeguindo co obxectivo de descentralizar as actividades do Museo de Lugo e levalas aos centros da rede museística a Área de Cultura levará o vindeiro día 5 ás 19:00 horas o Tirando do fío ao museo do Pazo de Tor en Monforte, esta actividade ten por obxectivo o contacto interxeneracional para transmitir os coñecementos dos máis vellos aos máis novos a través da oralidade. O museo do mar de San Cibrao acollerá un serie denominada Conversas de Mar e a revista oral A Voz dos Carraos.LÁMINAS DO CARTAFOL E PROXECCIÓNS CONTRA O MUROComo ven acontecendo dende o comenzo da celebración do 75º aniversario do museo todos os días 10 de cada mes está programada a actividade CONTRA O MURO, de 20:00 a 24:00 horas, proxéctanse nas fachadas exteriores do Museo Provincial imaxes das pezas do propio museo. Esta actividade é unha máis das programadas para facer do museo un museo vivo e achegalo á cidadanía. Coa finalidade de completar as 75 láminas que encherán a finais deste ano o Cartafol do Museo, cada cinco días, entregase unha lámina cunha imaxe dun peza ou estancia do museo. Esta lámina entregase, de xeito gratuíto, a carón da figura ou estancia que aparece reflexada na lámina.(Nota: axúntanse resumo, fotos e corte de voz)PRESENTACIÓN ACTIVIDADES MES DE SETEMBRO 1. CARTAFOL DO MUSEO (Coleccionable de 75 láminas por mor do 75 aniversario do Museo Provincial)  05/09/08 Lámina LIII. Mariñeiros na brega, de Puchades Obra realizada en ferro que chegou ao Museo Provincial en 1977. Representa a dous mariñeiros puxando do cabo dunha embarcación da que só se ve a proa. O conxunto escultórico, elaborado con retallos de ferro e soldadura, de innumerables arestas e baleiros, transmite sensación de dureza nos rostros . 10/09/08 Lámina LIV: O camión de A. González Doreste Representación verista a través da técnica, co uso dunha pintura moi plena, coa que trata os detalles con minuciosidade. Gran contraste de luces e sombras provocado polo potente foco de luz desde o ángulo superior dereito do primeiro plano e por un segundo foco situado ao fondo na parte superior, e que ilumina a rúa.  15/09/08 Lámina LV: O soño adolescente, de M. BujadosTrátase dun debuxo a lapis coloreado con acuarela, inacabado, cunha representación onírica e simbólica no que se diferencian dous planos que poden representar o ben e o mal. Na parte superior, no eixo central aparece a Virxe rodeada de cabezas de anxiños e outros anxos de corpo enteiro , algúns deles só bocexados. 20/09/08 LVI. Cruceiro, de CastelaoAcuarela que presenta un cruceiro situado nunha esquina. No brazo dereito da cruz pendura un faroliño de aceite que alumea a parede. O cruceiro que carece de basamento, chanta o seu varal directamente no chan e o Cristo apoiase nun capitel esférico.  25/09/08 LVII . Plano de Lugo (SÉC. XVIII)A lámina mostra o plano fotográfico da cidade de Lugo realizado por Pedro Menchaca e Saturnino Castilla segundo se indica na marxe inferior dereita. Está manuscrito e pintado con acuarelas amarelas (das que apenas quedan restos), verdes e negras. 30/09/08 LVIII . Praza maior, de Manuel Castro GilGravado que posúe un carácter case biográfico, porque nel aparece, aínda que en segundo plano, o consistorio lucense que será a casa na que transcorrerá parte da súa infancia, pois sendo o seu pai o funcionario que tiña ao seu cargo o arquivo dos documentos do Cabido e a vixianza do Pazo. 2. 75 FESTAS. MES DE OUTUBRO 40º FESTA. 06/09/08 A CADEA CRÍTICA DOS NOSOS INSTRUMENTOS, POR XAVIER BLANCO Xavier Blanco, herdeiro de tradicións que centra a súa actividade na recuperación do folclore procede dunha importante familia de gaiteiros chamada Os Soledás. Aos oito ano comeza a tocar a gaita e durante a mocidade formou parte de diferentes formacións tradicionais. Actualmente dirixe a Escola Obradoiro de Moaña. 41º FESTA. 07/09/08 OS MARCIANOS NON SON VERDES, POR MÓNICA ALONSO Traballarase a ruptura dos tópicos a través dunah figura que é ficticia, a do marciano. Todo o que sabemos sobre os marcianos é froito do imaxinario humano, nin sequera está demostrado que existe na realidade. Taller que servirá para reforzar a imaxinación.42º FESTA. 13/09/08 CINE DOCUMENTAL• CRISTÓBAL COLÓN• AMELIA EARHART 43º FESTA. 14/09/08 CINE DOCUMENTAL• A ESTACIÓN ESPACIAL• GLOBOS AEROSTÁTICOS44º FESTA. 20/09/08 XINCANA POÉTICO MUSICAL, CON ARTA PUMARES45º FESTA. 21/09/08 CINE DOCUMENTAL• OS SEGREDOS DO IMPERIO AZTECA• OS MAIA46º FESTA. 27/09/08 XOGOS POPULARES, ASOCIACIÓN O CADAVAL.47 º FESTA 28/09/08 LABERINTO DE ILUSIÓN. O MAGO ROMÁN.3. EXPOSICIÓNSSalas 26 e 27. Do 3 de setembro ao 2 de outubro. Inauguración de Baldomero Pestana.Do 4 de setembro ao 28 de setembro, Xedes Peón. Sala de exposicións da Deputación.Do 10 de setembro ao 12 de outubro. A Divina Comedia de Dalí. EXPOSICIÓN MÁIS IMPORTANTE DESTE MES.• Inauguración da exposición de Blas Lourés. Unha vida en chamas. O 9 de setembro no Círculo das Artes. 4. CONCERTO DA SOCIEDADE FILARMÓNICA 13/09/08Concerto organizado pola Sociedade Filarmónica de Lugo en conmemoración do 75 aniversario do Museo Provincial. CHELICIA (Grupo de Violoncellos de Compostela) Carlos Garcia Amigo, Thomas Piel, Ailsa Lewin e Palmira Martínez.5. REVISTA ORAL. O PAZO DAS MUSAS. REFECTORIO MUSEO PROVINCIAL6. MUSEO PROVINCIAL DO MAR• 06/09/08 CONVERSAS DE MAR. CHARLAS DIVULGATIVAS SOBRE DIVERSOS ASPECTOS RELACIONADOS CO MAR. A Rosa dos Ventos, ventos dominantes, os ventos da Mariña.• 13/09/08 CONVERSAS DE MAR. CHARLAS DIVULGATIVAS SOBRE DIVERSOS ASPECTOS RELACIONADOS CO MAR. As mareas da Mariña.• 20/09/08 CONVERSAS DE MAR. CHARLAS DIVULGATIVAS SOBRE DIVERSOS ASPECTOS RELACIONADOS CO MAR. Lendas das profundidades • 27/09/08 REVISTA ORAL. A voz dos carraos 7. PAZO DE TOR• 05/09/08. TIRANDO DO FÍO Encontro interxeneracional denominado Tirando do fío dirixido a persoas de todas as idades co obxectivo de intercomunicar aos avós e avoas con netos e netas.8. UNHA TAPA DE CULTURA • Programa de visitas guiadas que se van levar a cabo até o 15 de setembro