Éxito do ciclo de conferencias Impactos Ambientais: Enerxías Renovables en Galicia
![Imaxe deputación de lugo](/sites/deputacionlugo.org/files/default_images/depulugo001.jpg)
Preto de 200 persoas participaron no ciclo de conferencias Impactos Ambientais: Enerxías Renovables en Galicia que se desenvolveu no Salón de Actos da Deputación desde o 3 ó 5 e do 10 ó 13 de novembro. Esta foi a décimo novena edición dunhas xornadas que están totalmente implantadas na actividade da institución provincial, e que se enmarcan dentro da colaboración que a Deputación mantén coa Real Academia Galega de Ciencias. As xestión realizadas pola Vicepresidenta Segunda e Responsable do INLUDES, Lara Méndez, fixeron posible que durante estes días se desen cita no Pazo de San Marcos especialistas do ámbito que debatiron sobre o futuro das enerxías renovables en Galicia. É o caso dos catedráticos de Enxeñería Química, de Produción Vexetal, do Departamento de Enxeñería Química da Universidade de Santiago de Compostela, Juan Casares Long, Antonio Rigueiro Rodríguez e Manuel Bao Iglesias, así como o Director da Asociación Forestal de Galicia, Francisco Dans del Valle, o Xerente de Sotavento S.A, José Núñez Baña, e os profesores do Departamento de Enxeñería Agroforestal e Enxeñería Agroforestal-Enxeñería Hidráulica da USC, Ramón Velo Sabín e Gregorio Iglesias Rodríguez. Deste xeito, abordáronse temas de grande actualidade como o aproveitamento da enerxía solar e maremotriz en Galicia ou as experiencias realizadas na nosa Comunidade relativas á transformación da biomasa en enerxía térmica e eléctrica, a enerxía na sociedade tecnolóxica, utilidade de residuos e cultivos agroforestais para a produción enerxética, as propiedades e utilidade dos biocombustible e a funcionalidade de Sotavento, Centro de referencia en Galicia en investigación e divulgación en enerxías renovables. Ás conferencias asistiron preferentemente alumnos da Universidade de Santiago de Compostela, concretamente do Campus de Lugo e estudantes das titulacións relacionadas co título das xornadas. Os asistentes recibiron un diploma acreditativo e os estudantes universitarios un crédico de libre configuración. Esta actividade inclúese dentro da aposta que fai a Deputación polo medioambiente e complementa outras actuacións postas en marcha pola institución provincial neste eido como son a creación dunha Axencia Provincial da Enerxía, Lug02 e Km0.