Antón Bao visita o circuíto de Sistallo, lugar no que se celebrará unha nova edición do Campionato Galego de Motocross esta fin de semana
O vicepresidente primeiro da Deputación, Antón Bao, visitou hoxe as instalacións do Circuíto de Motocross de Sistallo en Cospeito acompañado por varios membros da Four Wheels Racing. Tras a visita, Bao falou da posibilidade de pór en marcha un proxecto de colaboración entre a Área de Deporte da Deputación e o club para contribuír ao custoso mantemento e na adecuación dunhas instalacións deportivas de semellantes características. Nesta mesma liña, Antón Bao tamén lembrou a importancia e o interese que espertan tanto o Circuíto de Sistallo coma o de Alfoz, ao seren os únicos espazos de toda a xeografía lucense destinados á práctica dos chamados deportes de motor. De feito, o vindeiro día 15 de marzo, esta ruta acollerá o Campionato Galego de Motocross a iso das 15:00 horas. Este evento é todo un acontecemento xa que o Circuíto de Sistallo leva máis de dez anos sen acoller ningún tipo de competición desta categoría.
