Comeza o curso da USC sobre recursos humanos no deporte coa única axuda do Goberno da Deputación
O Deputado de Deportes, Pablo Rivera Capón, participou este martes na inauguración do curso de verán A xestión dos recursos humanos nas organizacións deportivas, que organiza a USC en Lugo coa única axuda do Goberno da Deputación. Faino a través de do Plan de Choque, que conta con 350.000 euros para o desenvolvemento de ducias de iniciativas ao longo deste ano coas que promover o Campus Terra.
Ao acto de hoxe, tamén asistiu José Manuel Balseiro, delegado territorial en Lugo da Xunta de Galicia, administración que non colabora con esta iniciativa; Luís Lamas Novo, Subdirector da Escola Universitaria de Relacións Laborais; e Teresa Hermo López, director deste curso de verán e docente de mencionado centro universitario lucense.
O curso está incluído na programación da Universidade de Verán da USC que se desenvolverá dende hoxe ata o 7 de xullo na Escola Universitaria de Relacións Laborais do Campus Terra da USC. Estruturado en 25 horas lectivas e aberto á participación de todas as persoas interesadas pola temática, este programa estival de formación e divulgación científica, está dirixido por María Teresa Hermo López.
Os obxectivos deste programa incluído na Universidade de Verán 2017 da USC pasan por ofrecer aos participantes coñecementos relacionados coas organizacións e equipos deportivos no entorno dos Recursos Humanos e as Relación Laborais. Ao longo dos diferentes relatorios programados analizaranse as bases conceptuais sobre grupos e equipos, comunicación, xestión e a temática xurídica e laboral na que se desenvolven.
O programa deste seminario estival da USC inclúe asemade a visita ás instalacións deportivas do CB Breogán e do CB Estudiantes Lugo, ao tempo que tamén está prevsita a celebración de relatorios sobre motivación e liderado nas organizacións deportivas, así como outras sesións de carácter práctico.
