O Presidente da Deputación aposta pola colaboración das administracións co audivisual galego
![](/sites/deputacionlugo.org/files/Imagenes/0_3076_1.jpg)
O Presidente da Deputación e da Fundación TIC, José Ramón Gómez Besteiro, participou este xoves na mesa redonda Rodado en Argentina celebrada os días 6 e 7 de febreiro no Pazo de San Marcos. O debate incluiuse dentro das xornadas que levan o mesmo nome organizadas pola Fundación TIC, dependente do organismo provincial. Gómez Besteiro destacou a importancia de que as administacións faciliten os medios necesarios para contribuir á potenciación do sector audiovisual galego. A mesa estivo moderada polo director-xerente do Consorcio Audiovisual de Galicia, Nacho Varela, quen previamente presentou o Fondo Raíces, un programa destinado á axuda para coproducións Galicia-Arxentina. No debate tamén participaron os directores Victoria Galardi autora de Amorosa Soledad- e Jorge Algora cineasta que logo dunha longa carreira adicado á televisión, ós documentais e á publicidade, debutou no sétimo arte con El niño del barro- e a produtora Silvana di Franceso. Neste senso, o titular da Deputación amosou o seu convencemento de que moitos dos alumnos que hoxe nos acompañan serán os directores, realizadores e produtores do futuro. Por iso para conseguir unha formación de calidade é fundamental que coñezan de primeira man a experiencia de profesionais como os que están presentes nesta mesa. Puxo como exemplo a seguir a traxectoria do fonsagradino Julio Fernández presidente de Filmax e patrono da Fundación TIC, que este mesmo domingo recollía un Goya pola película Nocturna, unha aventura máxica. A mesa redonda puxo fin ás xornadas sobre cine rodado en Arxentina. O vínculo sentimental entre Galicia e Arxentina é moi forte. Por isto este ciclo permite achegarnos un pouco máis a un país ó que emigraron moitos galegos. Temos que esforzarnos para que estes vínculos non se perdan. Durante a primeira xornada a directora e guionista arxentina Victoria Galardi impartiu un taller de guión ós alumnos da EIS. Na sesión de traballo tamén se analizou a última longametraxe da cineasta, Amorosa Soledad, que participa no Work in Progress do Festival de Berlín. Como complemento ás actividades, durante a mañá do xoves proxectouse no Salón de Actos a película do director galego Jorge Algora, El niño del barro, nominada ós premios Goya deste ano na categoría de mellor canción .