A Deputación instalará un sistema de control de presenza do persoal nas dependencias provinciais
A Deputación implantará un sistema de control de presenza do persoal da Deputación. A Xunta de Goberno deste venres aprobou os pregos e o presuposto, que ascende á 50.000 euros, para a contratación deste servizo. O voceiro do grupo provincial socialista, Antonio Gato, afirmou que será un sistema dixital que permitirá rexistrar as entradas e saídas das depencias onde reliza o traballo. Para elo, instalaranse dispositivos lectores nos puntos de acceso ós locais. Haberá tres no pazo de San Marcos, cadanseu nas seguintes dependencias: Recadación, Santo Domingo, Parque Móbil, Inludes (onde tamén están a Área de Infraestruturas e o Servizo de Expropiacións), e catro na Rede Museística (Museo Provincial, Pazo de Tor, Museo do Mar e San Paio de Narla), apuntou Gato Soengas. O voceiro do equipo de goberno sinalou que se estima que este dispositivo entre en funcionamento a comezos do ano que vén. Outros acordos da Xunta O Goberno provincial tamén aprobou a adxudicación, por 62.3341 euros, das obras adicionais á obra do POS 2006 de ensanchamento e mellora da estrada provincial de San Xurxo a Arroxo, no Concello de Lourenzá, entre os puntos quilométricos 0,000 e 2,000. Ademais aprobáronse 11 contas xustificativas dos Plans de Comunidades Veciñais dos anos 2007 e 2008. As obras sumaron un total de 103.375 euros, dos que a Deputación achegou 57.651.
