A cestería andaluza de palmeira anana, modalidade do segundo curso de cestería do CENTRAD
A cestería andaluza de palmeira anana centra o segundo curso de cestería da programación de inverno do Centro de Artesanía e Deseño da Deputación. Desde hoxe ata o 13 de marzo, e de 10:00 a 14:00 horas e de 16:00 a 20:00 horas, os participantes elaborarán cestos e aventadores (utensilio que se emprega para abanar o lume).O artesán gaditano, Antonio Rodríguez Bernal, é o encargado de impartir este obradoiro que dispón de 40 horas de formación e ten unha capacidade para 10 alumnos. Trátase dun curso novidoso que é a cuarta vez que se imparte no Centro de Cestería da Deputación. Rodríguez Bernal é un dos artesáns máis expertos nesta técnica sobre a que leva investigando durante anos.Este é o segundo obradoiro da programación de inverno do CENTRAD que dispón de 10 cursos, que se desenvolverán ata principios do mes de maio. Como novidade, este ano tamén serán protagonistas o vidro e a cerámica.Obradoiros portátilesOs obradoiros portátiles de tapiz, cestería e instrumentos musicais destinados a escolares de Primaria e Secundaria organizados tamén polo CENTRAD continúan o seu percorrido polos distintos colexios da provincia. Deste xeito, hoxe comezan o de instrumentos musicais no CEIP de Castroverde, o de cestería no CEIP da Terra Chá de Vilalba e o de téxtil no CEIP de Cervo. Nos tres casos os obradoiros desenvolveranse ata o mércores, 11 de marzo.O obxectivo destes obradoiros é recuperar os oficios artesanais desde a etapa escolar dándolles ós rapaces a oportunidade de aprender e coñecer oficios de grande tradición na provincia. A vindeira semana será a quenda dos CEIPs de Cervo, Luis Díaz Moreno de Baralla, Virxe do Carme e Vista Alegre de Burela.
