O Presidente da Deputación presenta ó Ministro de Turismo de Uruguai o proxecto de certificación medioambiental
da costa lucense, único en Europa
Lugo e Uruguai serán socios en proxectos de novas tecnoloxías dirixidos ó rural da nosa provincia, unha área na que os uruguaios son punteiros. O Presidente da Deputación de Lugo, José Ramón Gómez Besteiro, presentou ó Ministro de Turismo de Uruguay, Héctor Lescano, o proxecto de certificación medioambiental de praias da costa lucense, un asunto no que este país iberoamericano está a ser pioneiro no mundo. Gómez Besteiro quere implantar esta certificación medioambiental na Mariña lucense, o que a converterá na primeira de Europa, lle aportará prestixio turístico e notables beneficios económicos. A certificación medioambiental de praias é unha aposta persoal do Presidente, na que leva tempo traballando a Deputación de Lugo coa fin de abrir un novo mercado para a Mariña Lucense. A Deputación encabezaría este proceso no que están implicadas varias administracións pero no que son fundamentais os municipios, adiantou Gómez Besteiro. Esta denominación implica incorporar servizos novidosos nos areais que atendan á satisfacción integral dos bañistas, a capacitación dos recursos humanos e, sobre todo, á protección do medio ambiente. A certificación programa prácticas axeitadas que promovan o uso sostible dos recursos naturais e das actividades que se celebran nas praias. Pero os grandes beneficios, ademais dos medioambientais, son os turísticos e económicos. A costa de Lugo, con 100 quilómetros de extensión e máis de 70 areais de certa dimensión ten todas as condicións para poder diferenciarse con esta certificación, que supera amplamente as cuestións avaliadas nas Bandeiras Azuis. O asesoramento do Ministro de Turismo de Uruguai é importante para a Deputación porque este país é pioneiro no mundo, con 500 quilómetros de costa certificada. A certificación traduciuse para eles na multiplicación de turistas (dous millóns ó ano), no aumento do turismo de alto nivel económico (250.000 a través de cruceiros) e no reforzamento da súa marca e reputación. Lugo e Uruguai gardan certos paralelismos no tocante ó patrimonio natural, polo que o Presidente tamén fixo partícipe ó Ministro dos proxectos medioambientais máis importantes da Deputación como son Lug02 dotado con máis de 4 millóns de euros- e o programa Km0. Lugo e Uruguai, asociados nas novas tecnoloxías Gómez Besteiro tamén mantivo unha reunión coa Ministra de Cultura e Educación, Maria Simón. Abriron liñas de colaboración no eido das novas tecnoloxías nas que estará vinculada a Fundación TIC da Deputación de Lugo. Uruguai é o país con máis éxito nos programas europeos que necesitan socios extracomunitarios. Queremos traballar no uso das novas tecnoloxías no rural, tema no que este país é punteiro, polo que telo como socio é unha garantía , afirmou o Presidente. Gómez Besteiro anunciou que tamén haberá experiencias de colaboración, xa que Uruguai vai modificar a lei do cine e quere crear unha escola audiovisual, contar co apoio da Escola de Imaxe e Son da Deputación de Lugo e dos seus contactos. Visita a CUTCSA A intensa xornada incluiu unha xuntanza do Presidente e do Deputado Melchor Roel a CUTCSA, a empresa de transporte máis grande de Uruguai e a máis importante dos galegos que viven na América Latina. Tiñamos unha débeda con vostedes, que lle deron traballo a centos de galegos e de lucenses que viron emigrados, afirmou Besteiro diante toda a directiva. A axenda foi modificada cando o Intendente de Montevideo, Ricardo Ehrlich, que goberna o 60% da poboacion do país, solicitou entrevistarse esta mesma mañá co Presidente da Deputación. Este mesmo mes o Alcalde de Montevideo comezará a traballar no Museo da Emigración, para o que solicitou colaboración e asesoramento á Deputación. Axenda para mañá: MIÉRCOLES 10 DE SEPTIEMBRE DE 2008- COMIENZA LA VISITA A BUENOS AIRES 10:00 h Visita institucional al Ayuntamiento Vicente López y recepción del Regidor, Enrique García y de su equipo. 11:30 h Recorrido a las instalaciones del Campo-Centro Galicia con los directivos de la Junta Directiva del Centro Galicia. Lugar: Centro Galicia de Buenos Aires - Av. Libertador 2925 OLIVOS. (A continuación volveremos al centro de Buenos Aires) 13:00-16:30 h Recorrido a las instalaciones del Centro Galicia en la capital y almuerzo en el Centro. A continuación Visita al Colegio Santiago Apóstol del Centro Galicia y encuentro con los estudiantes. Firma en el Libro de Oro. Dirección: calle Paso, 51. 21:00h Cena con la Asociación de Empresarios Gallegos (AEGA).
