O encoro de Salime e a aldea de Seceda, destinos de Km0 esta semana
O Courel, A Fonsagrada e a Mariña son os destinos desta semana do programa de visitas institucionais e mediomabientais Km0, nas que participarán amas de casa de Lugo, integrantes do Proxecto Home de Lugo e veciños de Castro de Rei. Un grupo da Federación Provincial de Amas de Casa Avantar foi recido este martes no Salón de Plenos do Pazo de San Marcos. Despois trasladáronse ata o conxunto etnográfico do Mazo de Santa Comba e a continuación desprazaranse a Folgoso do Courel para visitar o Castro de Vilar, o Castro da Torre e a aldea de Seceda. Mañá, participarán en Km0 36 persoas vencelladas a Proxecto Home Lugo que elexiron unha das rutas da Mariña. Coñecerán ó Mazo de Santa Comba e, no Concello de Cervo, visitarán a fábrica de cerámica de Sargadelos, o Paseo dos Namorados e o Real Padroado. A Asociación de Amigos da Feira, do Concello de Castro de Rei, elexiu a ruta de Negueira de Muñiz para este xoves. O percorrido comezará no Centro de Artesanía e Deseño, viaxarán ata a área recreativa do encoro de Salime- Negueira e visitarán o Museo da Fonsagrada.
