As medidas de apoio á economía da provincia promovidas pola Deputación marcan o Pleno provincial
A Deputación reclamará ó Goberno Central un cambio lexislativo para cobrar o IBI ós Centros Penitenciarios O Pleno aproba un expedente de recoñecemento extraxudicial de crédito por máis de 250.000 euros para afrontar gastos doutros anos sen consignación presupostaria nin fiscalización As iniciativas de apoio á economía da provincia que está a poñer en marcha a Deputación marcaron o transcurso do Pleno provincial celebrado este martes. O voceiro do grupo provincial socialista, Antonio Gato Soengas, destacou o traballo que está a realizar o equipo de goberno que en só dous meses impulsou seis iniciativas que beneficiarán directamente tanto a economía dos Concellos como das pequenas e medianas empresas neste momento de crise. Entre estas medidas, o voceiro socialista, Antonio Gato, destacou o Plan de axudas directas a microempresas e autónomos dotado, nunha primeira fase, con 625.000 euros e que anunciou recentemente a Vicepresidenta Segunda, Lara Méndez. Promovida polo INLUDES, esta iniciativa forma parte do Plan Estretéxico de subvencións para as Pemes aprobado no mes de xuño. Gato Soengas dixo que o equipo de goberno leva traballando meses nestes proxectos que xa puxo en marcha. Neste senso, o PSOE opúxose a unha moción do PP na que se solicitaba un plan de axuda ó pequeño comercio xa que votou en contra do Presuposto no que ían iniciativas deste tipo a favor das pemes. Unha vez máis, o PP chega tarde, afirmou Gato Soengas. Máis ingresos para os Concellos Outra das medidas de apoio á economía aprobada na sesión plenaria de hoxe, permitirá que os municipios teñan máis ingresos e unha maior liquidez a través da xestión de tributos por parte da Deputación, sen que isto implique unha maior carga impositiva ós cidadáns. Segundo destacou Gato Soengas, a mitade de mandato, os Concellos xa pagan por este servizo a metade que co PP. Ademais, coas modificacións introducidas, a Deputación deixará de cobrar 450.000 euros en favor dos Concellos. A Corporación aprobou unha nova modifición das bases de delegación en materia de recadación de tributos en favor dos Concellos que xa asinaron o convenio do novo Servizo -polo momento, 45-. Con esta modificación, que se aplicará o ano que vén, rebaixarase un punto máis a taxa pola xestión deste servizo, ata acadar ó 3%, o que supón a metade da porcentaxe que se cobraba co anterior goberno. Isto permitirá que estes Concellos ingresen 450.000 euros máis que antes da primeira reforma, cando a taxa era do 6%. A modificación das bases tamén prevé o incremento do 80% ó 90% dos anticipos repartidos en 12 mensualidades, unha medida que aplicaron por primeira vez os actuais responsables provinciais. Esta non é unha cuestión menor, xa que permitirá ós Concellos ter unha maior liquidez e poder afrontar mellor os gastos do día a día, apuntou Gato Soengas. IBI polos Centros Penitenciarios Ademais, en materia de recadación, a Corporación provincial acordou solicitar ó Ministerio de Economía e Facenda a reforma do réxime tributario dos centros penitenciarios para eliminar a exención establecida por lei para este tipo de instalacións, unha medida que, no caso da nosa provincia, beneficiaría ós Concellos de Lugo e Monterroso. A Deputación reclamará ó Goberno que estes inmobles se incorporen a unha categoría diferenciada do resto dos bens dos Concellos nos que estean ubicados e que se establezca un tipo de gravame distinto e superior no IBI. A Deputación considera que estes centros teñen todas as circunstancias para ser considerados como bens de características especiais, e supoñerían un importante ingreso para os Concellos nos que se ubican. No caso de que non se acometa o cambio lexislativo necesario, o organismo provincial pedirá ó Ministerio que se compense a estes municipios polos ingresos que deixan de recibir a consecuencia de esa exención. Débedas pendentes O Pleno tamén aprobou este martes un expedente de recoñecemento extraxudicial de crédito por valor de 252.684 euros, outro dos asuntos pendentes do anterior mandato que ten que afrontar o actual equipo de goberno. Con este expedente darase resposta ós gastos realizados en anos anteriores sen consignación presupostaria nin fiscalización previos, e nalgúns casos, omitindo outros requisitos e trámites esenciais dos procedementos de contratación ó non ter cobertura como contrato menor, e que é consecuencia do sistema empregado polo anterior goberno. Son gastos sen presupostar destinados á subministración de emulsión asfáltica, zahorra e gravas, pequenas reparacións en varias vías e o mantemento das salas de caldeiras do Centro do Fogar de Santa María, Pazo Provincial, Hospital San Rafael e Residencia Miño para 2007. Co novo sistema de contratación posto en funcionamento polo actual equipo de goberno evitarase ter que recurrir no futuro a este tipo de operacións, xa que se garante unha maior transparencia e rigor na contratación, se cúmpre coa legalidade e se axiliza o pago ós proveedores e ás empresas. Por outra banda, a Corporación aprobou definitivamente a Valoración de Postos de Traballo dos Hospitais San Xosé e San Rafael, así como a modificación da relación de Postos de Traballo que, en ámbolos dous casos, contan co apoio unánime de sindicatos, Xunta de Persoal e Comité de Empresa Por último, rexeitouse outra inicitiva popular sobre puntos negros nas estrada provinciais, xa que desde que entrou a gobernar o actual equipo estase a mellorar notablemente a seguridade na rede viaria provincial, con medidas como o subminsitro de sal durante a época se xeadas e nevadas.
