A Deputación iniciará a vindeira semana obras en Chantada por valor de 1,2 M€ coa que dá traballo a 35 persoas
![Imaxe deputación de lugo](/sites/deputacionlugo.org/files/default_images/depulugo001.jpg)
A Deputación iniciará a vindeira semana obras en Chantada por valor de 1,2 millóns de euros coas que dá traballo a 35 persoas. En elas, destacan as do auditorio de Chantada para as que o organismo provincial destina máis de 900.000 euros. A institución que preside José Ramón Gómez Besteiro acomete esta actuación dentro do plan do canon hidroeléctrico, segundo o cal este municipio percibiu en tan só tres anos preto de 5 millóns de euros.
Deste xeito, a Deputación dota ós veciños dunha infraestrutura moi demandada por eles, xa que na actualidade non existe ningún espazo con capacidade suficiente para acoller actos con máis de 150 asistentes, ó tempo que salda unha débeda histórica que arrastraba a institución provincial co municipio dende hai case dúas décadas. Co pagamento do canon, o organismo provincial tamén contribúe a recuperar a estabilidade presupostaria do Concello.
A nova dotación, que terá cabida para unhas 400 persoas, xa está en marcha dende hai uns meses grazas ós fondos do Plan E. Neste senso, coa aportación da Deputación e do Goberno Central, o Concello poderá completar na súa totalidade esta infraestrutura, que se emprazará no edificio de servizos múltiples.
O auditorio forma parte do complexo deseñado dentro dun plan global de reforma da Praza de Galicia sobre os terreo nos que ata 2009 estivo a casa consistorial. Nunha primeira fase, tamén con fondos do Estado, construíuse un bloque no que hoxe se localiza a Casa da Música e se sitúan as aulas nas que se imparten os cursos do programa europeo Pacto Provincial polo Emprego, co que a Deputación favorece a inserción laboral de 576 desempregado da provincia, ademais de oficinas de servizos como o Centro de Información á Muller.
Máis obras que comezan en Chantada
Asimesmo, o luns, 16 de maio, tamén comezarán novas obras coas que o organismo provincial mellorará a calidade dos veciños, xa que dotarán de servizos mínimos e necesarios a varias zonas do núcleo urbano chantadino. Á execución destas actuacións, financiadas tamén con fondos propios, destínanse preto de 295.000 euros.
En total, acondicionaranse 16 rúas: Taboada, Ribeira Sacra, Santa María, da Barexela, Luis Campos, Julio Camba, Juan XXIII, Pardo Bazán, Concepción Arenal e prolongación, Luis Soto Lemos, Rosalía de Castro, Doctor Feleming, as avenidas de Lugo e Os Pilos, e os accesos ás piscinas.