Deputación e Fundación Campus ofrecen 12 becas a persoal da administración local de Lugo para o Máster Paulo Fabio
O Presidente da Deputación, José Ramón Gómez Besteiro, o Presidente da Fundación Campus Universitario de Lugo, Mario Outeiro, a Directora de Relacións Laborais, Mercedes Montes Rodríguez, e o responsable de formación da empresa E-scola, Guillermo Álvarez de Neira, asinaron este mércores un convenio de colaboración para a concesión de 12 becas, por un valor de 1.000 euros cada unha, co obxecto de cursar a oitava edición do Máster Paulo Fabio.
Trátase do curso de especialización que a escola universitaria de Relacións Laborais ofrece agora a traballadores da administración local de Lugo co fin de difundir o coñecemento das técnicas más avanzadas en xestión de persoal e das habilidades necesarias para o mellor desempeño profesional. O prezo do máster é de 2.850 euros polo que as becas que ofrecen ditas institucións cobren o 35% do seu custe.
O interesados nesta iniciativa deben acreditar, ademais da súa condición de empregado da Administración Local de Lugo, estar en posesión dun título universitario ou estar cursando o último ano dos seus estudos superiores.
O prazo de solicitude das becas está aberto ata o 31 de decembro na secretaria da escola de Relacións Laborales. Tamén se pode reservar unha praza de xeito on line en www.relacioneslaboraleslugo.com.
As clases arrincarán en xaneiro e prolongaranse ata decembro, ocupando un total de 700 horas lectivas, que se desenvolverán todos os venres dende as 16:00 ás 21:00 horas en Relacións Laborais.
