A Deputación súmase ós actos de condena da violencia de xénero
O Presidente, que participou na concentración de Lugo, expresou a súa máis rotunda e absoluta condena ó último asasinato machista e trasladou o máis sentido pésame ós familiares
O Presidente da Deputación, José Ramón Gómez Besteiro, participou este mércores na concentración en condena da violencia de xénero organizada diante do Concello de Lugo tras o asasinato de María Luísa Jiménez, residente na capital luguesa.
Gómez Besteiro expresou a súa máis rotunda e absoluta condena a este novo asasinato machista e trasladou o máis sentido pésame ós familiares da vítima.
O titular provincial defendeu que a loita contra a violencia de xénero debe ser unha prioridade para os poderes públicos, que ten que ir acompañada de medios económicos e dunha lexislación forte, que protexa os dereitos e libertades.
