A Deputación porá en marcha a finais de ano un plan de mellora dos catamaráns
A Deputación porá en marcha un plan de mellora dos catamaráns a finais de ano, aproveitando a redución de reservas nas rutas fluviais con motivo da tempada de inverno e das condicións climatolóxicas. Levaranse a cabo levarán cabo tarefas de mantemento e reparación das 4 embarcacións, pois algunha delas data de 1992, como, por exemplo, traballos de mecánica e pintura.
O Goberno Provincial acordou isto logo de que o Deputado de Turismo, Eduardo Vidal Baamonde, visitase nas últimas semanas os embarcadoiros, supervisase o funcionamento dos catamaráns e das rutas fluviais, e mantivese encontros con representantes dos establecementos. Tamén o fixo con membros do Consorcio de Turismo da Ribeira Sacra a quen trasladou persoalmente a vindeira posta en marcha deste plan de mellora.
O Executivo Provincial aproveitará o transcurso da posta a punto dos catamaráns para deseñar un plan de mellora das rutas fluviais coa colaboración de colectivos e establecementos da zona. Para elo, organizará encontros para escoitar as súas necesidades e propostas.
Plan Integral de Turismo
A mellora das rutas fluviais, así como dos catamaráns, enmárcase na aposta do Presidente, Darío Campos Conde, por potenciar o sector turístico para xerar riqueza e emprego na provincia. Como adiantou no Parlamento galego durante a súa intervención sobre as liñas xerais do Presuposto para 2016, Campos Conde quere poñer en marcha un Plan Integral de Turismo na provincia.
É unha ambiciosa iniciativa, que desenvolveremos ao longo do mandato (2015-2019), pois queremos converter a nosa provincia nun referente turístico no país, xerando emprego e favorecendo o crecemento económico deste sector. Hoxe o turismo xa representa o 13% do produto interior bruto de Lugo. Para elo, avaliaremos os recursos dos 67 Concellos da provincia, que fan Lugo sexa única: as tres Reservas da Biosfera recoñecidas pola UNESCO, a Ribeira Sacra, pola que seguiremos traballando para o seu recoñecemento internacional, os máis de 100 quilómetros de Costa, ou os máis de 800 quilómetros de rutas de peregrinación, entre outras moitas riquezas, dixo no Parlamento galego.
E farémolo en coordinación cos todos os profesionais do sector. Dende os establecementos hostaleiros, de comercio, empresas de lecer... ou cos colectivos que aglutinan a estes profesionais, engadiu.
No orzamento para 2016, o Presidente está disposto a achegar 500.000 euros ao inicio do Plan Integral, así como outros 2 millóns de euros a maiores para o impulso do sector turístico na provincia.