Pilar García Porto entrega en Mondoñedo os premios de poesía da V Edición Leiras Pulpeiro de Mondoñedo que financia a Deputación
A Deputada de Cultura, Deseño e Artesanía, Pilar García Porto entregou esta mañá os premios de poesía da V Edición Leiras Pulpeiro de Mondoñedo que financia integramente a Deputación con 3.000 euros. Nesta nova edición a obra gañadora foi para De Tacto, de Míriam Ferradás. O segundo premio recaeu na obra titulada Regreso a Ítaca de Modesto Fraga Moure ; e o terceiro premio foi para Xosé Antón Fortes co titulo, Ofelia sen dó. A Deputada agradeceu o traballo dos autores e emprazounos a seguir traballando, escribindo e publicando. Hoxe a memoria e a obra de Leiras Pulpeiro segue vixente, grazas á xente coma vós, explicou. García Porto lembrou tamén que esta mesma semana o organismo provincial publicou as subvencións da Area de Cultura para asociacións; en Mondoñedo beneficiáronse 13 asociacións para realizar 16 eventos, e contan cun orzamento total de 10.000 euros. E no que respecta á Comarca da Mariña concedéronse 137 axudas por un importe total de preto de 90.000 euros, para un total de 91 colectivos.
