A Subida a Chantada volve ao Campionato de España co apoio do Goberno da Deputación
A Deputada de Cultura, Pilar García Porto, o Alcalde de Chantada, Manuel Varela, o representante da Escudaría Chantada, Jose Alfonso Viana, e Concelleiros, presentaron este martes na Casa da Cultura de Chantada, a 45 edición da Subida a Chantada, que durante esta fin de semana reunirá a máis de 72 pilotos e numeroso público na vila. O Executivo Provincial realiza unha achega económica de 7.000 euros para este evento automobilístico, que retorna unha década despois ao Campionato de España desta especialidade, o que supón que os principais pilotos desta proba daranse cita na Ribeira Sacra.
García Porto explicou que non se trata só dunha proba deportiva, senón que estamos a falar dunha cita que reunirá durante toda unha fin de semana a máis de 10.000 visitantes, entre público, pilotos e acompañantes, que visitarán Chantada. Trátase, polo tanto, dun evento do motor, o 3º con máis edicións de toda Galicia, que é tamén un importante reclamo turístico que pon en valor a Ribeira Sacra, sinalou.
Na lista de inscritos destaca a presenza de pilotos moi recoñecidos polos amantes do mundo do motor como Javi Villa, actual campión de España, José Antonio López Fombona, Javobo Sobral, Manuel Sentra ou Jesús Ferreiro ademais de todos os habituais do Nacional de España, así como un numero importante de pilotos galegos. O evento reunirá unha grande variedade de vehículos entre os que se inclúen 21 fórmulas, 8 vehículos históricos e turismos tan espectaculares como un Lamborghini Huracán, co que competirá Fombona.
A Deputada remarcou que dende o Executivo Provincial mantemos o noso compromiso cun deporte tan popular na nosa provincia como é o automobilismo, por iso financiamos as principais probas da provincia como son esta Subida a Chantada, o Rally San Froilán, o Rally da Ulloa e a Subida A Pontenova, ademais de ser a primeira administración a nivel nacional que destina axudas para pilotos.
O Percorrido
A Subida a Chantada manterá un ano máis o seu percorrido, invariable dende hai 26 anos, pola estrada LU-533 de LalínA Gudiña. Os participantes enfrontaranse aos 4,1 quilómetros deste treito cronometrado cunha pendente media do 7,5% ata a confluencia coa estrada Chantada Monforte, onde comeza parte máis rápida do percorrido e onde os pilotos poden chegar a rozar os 200km/h.
Programa
Sábado 17 de agosto
7:30 horas. Apertura do parque nocturno Vixiado
9:00 horas. Verificación de Vehículos con anomalías
11:00 horas. 2ª Reunión dos Comisarios Deportivos
11:00 horas. Peche de estrada ao tráfico
11:30 horas. Saída dos vehículos do Parque Pechado a Asistencia
12:00 horas. Lista de Aurorizados a tomar parte nos Adestramentos
12:15 horas. Inspección definitiva de seguridade
13:00 horas. Inicio Adestramentos Oficiais 1
15:00 horas. Inicio Adestramentos Oficiais 2
17:00 horas. Inicio Carreira 1
18:00 horas. 3ª Reunión dos Comisarios Deportivos
18:30 horas. Publicación das Clasificacións oficiais da Carreira 1
19:30 horas. Comunicado de Prensa
21:30 horas. Hora límite de entrada no Parque Nocturno Vixiado
Domingo 18
7:30 horas. Peche da Estrada ao Tráfico
8:00 horas. Saída dos vehículos do Parque Pechado á Asistencia
8:30 horas. Inspección definitiva de seguridade
9:00 horas. Inicio de Adestramentos Oficiais 3
11:00 horas. Inicio Carreira 2
13:00 horas. Inicio Carreira 3
14:00 horas. 4ª reunión dos Comisarios Deportivos
15:00 horas. Entrega de trofeos
15:45 horas. Roda de prensa-comunicado de prensa
16:00 horas. Publicación das Clasificacións oficiais
