As modalidades de “cestería de costelas de castiñeiro” e de “láminas de madeira” centrarán a temática dos próximos cursos de cestería que organiza o CENTRAD
![Imaxe deputación de lugo](/sites/deputacionlugo.org/files/default_images/depulugo001.jpg)
Esta fin de semana no obradoiro de Cestería do Paseo do Río Rato de Lugo impartirase o curso de cestería de costelas de castiñeiro que organiza o Centro de Artesanía e Deseño dependente da Deputación de Lugo. Durante os días 17 e 18 de novembro os asistentes coñecerán esta técnica baseada na construcción de costelas de castiñeiro. O curso será impartido polo artesán Carlos Fontales e consta de 8 prazas. O programa inclúe a identificación e preparación de materiais e ferramentas, contrucción de aros de estrutura, inicio en rombo, elaboración de costelas e tecido e remate. Impartirase de 10:00 a 14:00 horas e de 16:00 a 20:00 horas e está dirixido a aqueles profesionais relacionados coa artesanía, tales como cesteiros, floristas, profesionais do contorno, artesáns do téxtil, artista, creativos e ó público en xeral. Asemade, o día 19 de novembro dará comezo o obradoiro de cestería de láminas de madeira que se impartirá ata día 23 en horario de 10:00 a 14:00 horas e de 16:00 20:00 horas. De luns a venres, os participantes deste curso coñecerán todo o relacionado coa identificación e preparación de materiais e ferramentas, conceptos xerais de uso e procendencia, traballo con láminas, así como elaboración de peza estándar. Este obradoiro é o penúltimo curso da programación de outono do CENTRAD. Está dirixido a todos os profesionais da cestería e conta con 8 prazas. O prezo da matrícula é de 40 euros. Os interesados poderán formalizar a inscripción ata dous días antes do comezo de cada curso curso a través do teléfono 982 21 00 66 ou do número de fax: 982 21 90 14.