A Vicepresidenta Segunda da Deputación participou na presentación dun manual de protocolo para nenos
![](/sites/deputacionlugo.org/files/Imagenes/0_3027_1.jpg)
A Vicepresidenta Segunda da Deputación, Lara Méndez, participou este martes na presentación do Manual de Educación. Protocolo Social para nenos e nenas que tivo lugar no Salón de Actos do Pazo de San Marcos. O libro, que está editado en tres idiomas: galego, castelán e inglés, contén as principais normas de educación que deben adquirir os nenos e as nenas con idades comprendidas entre os 4 e os 11 anos de idade. Lara Méndez destacou a importancia do manual porque cando falamos de educación e de bos modais débese empezar polos máis cativos. Esta é a primeira edición deste libro que conta, ademais, cunha guía práctica que lle facilita ós rapaces unha mellor adquisición de habilidades sociais como a naturalidade ou a prudencia. Non podemos esquecer que os nosos fillos son o espello do que ven, por iso é necesario que se establezan medidas axeitadas para que os cativos adquiran habilidades sociais de acordo cos cánons que indica a sociedade, engadiu a Vicepresidenta Segunda da Deputación. Lara Méndez felicitou tanto á autora, María del Mar Castro Maestre, como ó equipo creador do manual ó tempo que lles brindou toda a colaboración da Deputación para vindeiras edicións. Neste senso, sinalou que o novo equipo de goberno está abrindo esta institución a todos os que, como vostedes, levan a cabo proxectos que serven para mellorar a convivencia entre os cidadáns. Como di ó lema do equipo de goberno, SUMANDO ESFORZOS, é a única maneira de que consigamos o mellor para a nosa sociedade.