Museos sen límites para persoas con capacidades diferentes

LUGO, 30 DE NOVEMBRO. Dentro dos actos organizados polo Museo de Lugo, co gallo do DÍA MUNDIAL DA DISCAPACIDADE, que se celebra o vindeiro 3 de decembro, o venres 30 de novembro celebrouse unha xornada dirixida a mellorar algúns aspectos da formulación museográfica para que os museos sexan accesibles a todas as persoas. Esta xornada tivo por título CAPACIDADES DIFERENTES. MUSEOS SEN LÍMITES e foi organizada pola rede museítica provincial, dependente da Área de Cultura da Deputación. A xornada foi inaugurada polo vicepresidente da deputación Antón Bao ás 10:00 horas e durante todo o día desenrolouse un denso programa no que participaron especialistas de recoñecido prestixio no eido da accesibilidade e da museografía como Marta Miró i García, ex- técnico de Divulgación de Museos, Miguel Moreno, coordinador do Museo Tifolóxico da Once ou Margarita Belinchón García, directora do Museo de Ciencias Naturais de Valencia. Ás 20:00 horas celebrouse o acto de clausura das xornadas no que nacionalista Antonio Veiga, como responsable da Área de Cultura, valorou o éxito da xornada agradecendo aos asistentes a súa participación. Segundo Veiga “dende o goberno da Deputación agardamos que esta xornada de traballo servise para abrir camiños de interrelación e reflexión entre a sociedade e os colectivos de discapacitados , que foron os verdadeiros protagonistas das xornadas”. Segundo o responsable da Área de Cultura, Antonio Veiga, “dende a Deputación queremos darlle voz a aqueles que históricamente a tiñan negada e facer visibles as reivindicacións dos colectivos de persoas con capacidades diferentes”, Veiga exemplificou o contido destas palabras referíndose á recente instalación dunha rampa e dun elevador eléctrico para facilitar o acceso ao Museo de Lugo. Este sistema de acceso instalouse, de xeito provisional, para que todas as persoas poidan acceder ao edificio á espera de artellar unha solución definitiva á accesibilidade do museo.