A modalidade de cestería de vimbio en espiral centra o primeiro curso da programación de primavera do CENTRAD
A modalidade de cestería de vimbio en espiral. Cesto Perigourdain e cestería de Bourkina Faso centra o primeiro curso de cestería da programación de primavera do Centro de Artesanía e Deseño da Deputación de Lugo. A artesá Alexandra Marks é a encargada de impartir o obradoiro que se desenvolve no Centro de Cestería do río Rato a o venres, 28 de marzo. Durante estes días os asistentes terán a oportunidade de coñecer a metodoloxía empregada para a elaboración do cesto perigourdain francés, así como a súa similitude coas técnicas de cestería de Burkina Faso. Nas dúas modalidades, a primeira de orixe francesa, e a segunda de procedencia africana, o material empregado é o mimbre. No obradoiro están a participar 8 cesteiros, 6 de Lugo e os 2 restantes de Cataluña. O curso impártese de 10:00 a 14:00 horas e de 16:00 a 20:00 horas. Está dirixido a cesteiros profesionais, artesáns doutras disciplinas e ó público en xeral. Este curso inclúese dentro da programación de primavera formada por outros 9 obradoiros que tamén se impartirán no centro de cestería do río Rato, a mellor escola de España e de Europa pola variedade de técnicas que imparte. En total 10 cursos diferentes nos que os asistentes traballarán con materiais moi diversos: vimbio, palla, silva e esparto. Deste xeito, desde hoxe ata o 20 de xuño, docentes de Galicia e de España amosarán as súas técnicas ós alumnos participantes. Ademais de Alexandra Marks participarán outros artesáns como Lois Walpole ou Dolores González.
