A Deputación promove seis cursos de emprego de axuda a domicilio destinados a mulleres
O vindeiro luns comezarán seis cursos de emprego que promove o INLUDES, organismo dependente da Deputación de Lugo, para formar a mulleres no servicio de axuda a domicilio, segundo anunciou este venres o voceiro do grupo provincial socialista, Antonio Gato. Estas accións formativas realizaranse grazas a unha ampliación do proxecto europeo Lugo-Emprego SAD (Serizo de Axuda a Domicilio). Os cursos serán impartidos nos Concellos de Burela, Ribadeo, Foz, Chantada, Monforte de Lemos e Monterroso. Estas accións formativas concédense ás persoas, e non ós Concellos. A razón de que se celebren nestes seis é que son os que rexistraron un maior número de solictudes, dixo Antonio Gato Soengas. O voceiro do grupo socialista lembrou que no seu día enviáronse cartas a todos os Concellos da provincia, agás ó de Lugo, para que tramitasen as solicitudes presentadas nos seus municipios, e nesta selección cumpriuse rigurosamente co baremo establecido no proxecto. En total presentáronse 421 solicitudes, das que foron seleccionadas 90. As beneficiaras son mulleres de 35 a 55 anos. Na selección deuse preferencia a vítimas de violencia doméstica, viúvas, inmigrantes e familias monoparentais. O curso consta de 500 horas, das que 175 son teróricas e 325 prácticas en entidades prestadoras de servizos sociais. O presuposto dos cursos é de 244.000 euros, dos que o Fondo Social Europeo aporta o 70% e o INLUDES o 30% restante. Acordos Xunta de Goberno A Xunta de Goberno celebrada este venres aprobou o proxecto das obras de afirmado dun treito de algo máis dun quilómetro da estrada provincial entre San Xurxo e Arroxo, no Concello de Lourenzá, así como o prego de codicións que rexerán a contratación a través do sistema de concurso. O proxecto está presupostado en 66.198 euros. O goberno provincial tamén acordou prorrogar ata o 28 de febreiro o prazo para finalizar as obras de reparación, rehabilitación e acondicinamento da rede provincial na zona de Folgoso do Courel, Pedradita do Cebreiro e Ribas de Sil. Ademais, ratificouse un decreto de Presidencia polo que se acorda interpoñer un recurso de nulidade dunha sentenza que condena á Deputación a pagar 2.215 euros máis intereses por un accidente de tráfico ocorrido en 2004 no Concello de Lugo. O sinistro tivo lugar a consecuencia da gravilla que había na vía por mor dunhas obras que estaban mal sinalizadas. Antonio Gato sinalou que a Deputación non foi parte no proceso e, ademais, non tiña coñecemento destas obras, que estaba realizando outra administración.
