Gómez Besteiro participa na inauguración en Santiago do XI Congreso de UGT Galicia
O Presidente da Deputación coincidiu co secretario xeral da organización a nivel nacional, Cándido Méndez, na apertura do encontro, ó que asisten uns 300 delegados
O Presidente da Deputación de Lugo, José Ramón Gómez Besteiro, asistiu este venres no Pazo de Congresos de Santiago á inauguración do XI Congreso de UGT Galicia, que contou coa participación do secretario xeral da organización no ámbito nacional, Cándido Méndez, así como membros da patronal galega. Uns 300 delegados participan no encontro, marcado, segundo a organización sindical, polo elevado nivel de paro, e outras consecuencias da crise económica, como os continuos recortes do Goberno central e os desafiuzamentos.
