Máis de 25 películas hoxe coa Semana Internacional de cine de autor da Deputación
![Imaxe deputación de lugo](/sites/deputacionlugo.org/files/default_images/depulugo001.jpg)
Este martes, arranca a Semana Internacional de cine de autor da Deputación, que conta na súa programación, con máis de 100 películas. Hoxe proxectaranse 26 cintas, entre longas e curtas, na Biblioteca Municipal; Museo Provincial; MIHL; Vicerreitorado da Universidade; no Pazo de San Marcos e no Auditorio Gustavo Freire.
Dentro da programación do festival figuran, entre outros, un ciclo sobre a discapacidade intelectual para conmemorar o 50º aniversario de ASPNAIS. Haberá unha mención especial ao Gran Teatro, á muller como protagonista; así como a persoeiros como Dani de la Torre, Luis Tosar e Jorge Coira, polo seu traballo en El desconocido.
Programación
Auditorio Gustavo Freire
Ás 18:00 horas proxectarase a longametraxe de animación xaponesa El niño y la bestia pertencente o ciclo infantil.
Ás 20:30 horas dentro do ciclo o mellor do ano proxectarase a película francesa Mustang.
Ás 22:45 horas proxectarase Todo saldrá bien, a película española que participa na sección oficial da semana.
Museo Interactivo da Historia de Lugo
Ás 18:00 horas dentro do ciclo A muller protagonista proxectarase a película española Soledad descalza.
Ás 20:00 horas proxectarase Kafana (Basta ya) e a curtametraxe El camino del sol pertencentes ao ciclo como a vida mesma.
Pazo de San Marcos
Ás 18:00 horas no ciclo Cine galego proxectaranse as curtas Restart, A lina política, A última moeda, Aldeia Velha e Pingelap.
Ás 20:00 horas proxectaranse as curtametraxes 7 años de nuestra vida, Las alas de Néstor e a película Un día en el Cruz de Mayo, integradas dentro do ciclo 50 aniversario ASPNAIS.
Vicerreitorado da Universidade
Ás 19:30 horas ten lugar o ciclo As curtas tamén son cine, no que que se proxectaran Pasapalabra, Sabes tú, El escape, Vida eterna & asociados, El préstamos, La tete del l´emploi, Cartas a supermán e Lurna.
Biblioteca Provincial
Ás 20:00 horas dentro do ciclo E para comer...Lugo, proxectarase o documental Deconstruyendo a Dani García, e a curtametraxe Creo que te quiero.
Museo Provincial
Ás 20:00 horas no ciclo Arte de cine proxectarase a película uruguaia Detrás del mito e a curtametraxe Ashes.