Ante as mentiras e o descoñecemento do PP sobre o Parque Móbil, o Goberno da Deputación explícalle o seu funcionamento
Ante as mentiras e o descoñecemento sobre o Parque Móbil amosado publicamente polo Partido Popular, o Goberno da Deputación explícalle o seu funcionamento:
1.- O Goberno progresista da Deputación remodelou o Parque Móbil Provincial para que dende este departamento se melloren con todos os seus medios humanos e materiais tanto as estradas provincias como municipais, aforrando custos correntes á propia institución e aos Concellos.
2.- Tendo en conta que a época estival é unha das máis idóneas para realizar estes traballos debido ás condicións climatolóxicas, os profesionais desta área aceptaron repartir durante o ano os días que por lei lles corresponde descansar, intensificando a súa actividade durante o verán.
Neste senso, o Executivo Provincial quere agradecer de xeito especial aos traballadores do Parque Móbil o seu compromiso coa labor que desempeñan dende a Deputación de Lugo, pois non están obrigados a distribuír as súas vacacións nin a adaptalas á intensidade de traballo no organismo provincial.
3.- É durante o inverno cando estes profesionais aproveitan para descansar, pois as condicións climatolóxicas adoitan ser máis adversas e impiden actuar nas vías. Por exemplo, como todos os anos, algúns profesionais descansaron durante o Nadal.
4.- Con todo, ningunha área provincial pode quedar desatendida polo que seus os profesionais non descansar no mesmo período. DE FEITO, OS DÍAS 16 DE DECEMBRO (ao que fixo alusión o PP), ASÍ COMO OS DÍAS 17, 18, 19, 20, 21 OU 22, OS TRABALLADORES DO PARQUE MÓBIL ACTUARON EN ESTRADAS DO CONCELLO DE MONDOÑEDO, TAL COMO DEBERÍA SABER A ALCALDESA DESTE MUNICIPIO E MÁXIMA REPRESENTANTE DO PP NA PROVINCIA DE LUGO. Tamén traballaron en vías dos municipios de Castro de Rei, Cospeito e Viveiro.
5.-Os traballadores do Parque Móbil aproveitan os días nos que o tempo non permite levar a cabo actuacións nas estradas para acometer labores de mantemento e posta a punto da maquinaria, así como funcións administrativas, que tamén teñen que realizan como calquera traballador dunha institución pública. Por exemplo, durante o Nadal realizaron os procedementos públicos obrigatorios para poder adquirir dúas cubas, onde depositar os materiais necesarios para o arranxo de estradas.
