A Mariña e a Ribeira Sacra, destinos esta semana en Km0
A Mariña e a Ribeira Sacra son os destinos do programa Km0 na terceira semana de abril. Amas de casa de Lugo, veciños da parroquia ribadense de Remourelle e autónomas da provincia participarán nesta iniciativa que promove a Deputación co obxectivo de dar a coñecer a provincia ós lucenses e promover a economía a nosa provincia. Este martes a Vicepresidenta Segunda, Lara Méndez, recibiu no Pazo de San Marcos a un grupo de 55 membros da Asociación de Amas de Casa O Urugallo que, a continuación, percorreron as instalacións do Centro de Artesanía e Deseño. Despois trasladáronse ata o Concello de Burela, onde pola tarde visitaron a lonxa e o Museo do Barco Boniteiro. Tamén subiron ó mirador do Castelo. Mañá serán 55 integrantes da asociación de veciños A Madanela de Remourelle os que partipen en Km0. Neste caso coñecerán as Ínsuas do Miño e, pola tarde, visitarán os eucaliptos de Chavín, o Mosteiro de Valdeflores e subirán ó Monte de San Roque. Por último, o xoves un grupo de 36 membros da asociación de autónomas da provincia coñecerán o Mazo de Santa Comba e logo desprazaranse ata a Ribeira Sacra onde visitarán o pobo de San Miguel de Eiré e o Mosteiro de Ferreira de Pantón.
