Lara Méndez reivindica a calidade dos artistas lucenses na presentación de La Barba del Vecino
![Imaxe deputación de lugo](/sites/deputacionlugo.org/files/default_images/depulugo001.jpg)
A Vicepresidenta Segunda da Deputación, Lara Méndez, presentou este martes La Barba del Vecino, a nova mostra que acolle a Capela de San María dende o vindeiro xoves e ata o 31 de xaneiro. A exposición, organizada polo Centro de Artesanía e Deseño dependente do organismo provincial, reúne un total de 68 cadros do artista lucense Iago Eireos. Neste senso, Lara Méndez subliñou que a Deputación aposta polos artistas da provincia porque somos conscientes de que en Lugo hai calidade. A responsable da área de Promoción Económica e Emprego salientou que o obxectivo da Deputación é promocionar e impulsar o traballo dos nosos artistas. Por iso, queremos convertir a Capela de Santa María no epicentro cultural de Lugo, e dar a coñecer aos veciños da provincia o traballo nosos pintores, fotógrafos . Neste senso, Lara Méndez incidíu en que tan só nas últimas dúas exposicións que organizou o CENTRAD, EXPOMANGA, e 3+3 Vigo. Xeración dos 50, a Capela de Santa María contou coa visita de preto de 2.000 persoas. La Barba del Vecino versa sobre a indiferencia humana. Para elo, Iago Eireos mostra 56 rostros desfigurados creados a través da pintura e da fotografía. Precisamente, esta é a particularidade desta artista lucense: crear retratos traballando cos negativos das fotos. Este mozo lucense dá primeiro cor aos lienzos, para logo superpoñer imaxes analógicas. A Capela de Santa María acolle ademais outras 12 pezas deste pintor e fotógrato. Entre elas, destacan catro obras de 180x180, e 2x2 metros: Mujer sapo, Giocondo, Soy gitano, Perro Verde. Son retratos de recoñecidas persoas que viven nas rúas das principais cidades galegas. A intencionalidade de Iago Eireos con esta obra é amosar o desarraigo social. En total a Capela de Santa María reúne 68 cadros que se poderán ver dende o xoves 17 de decembro, data na que o Presidente da Deputación, José Ramón Gómez Besteiro inaugurará a mostra, e ata o 31 de xaneiro co seguinte horario: - De 12:00 horas a 14:00 horas pola mañá - De 18:00 horas a 21:00 horas pola tarde - De 18:00 horas a 21:00 horas as fins de semana - Pechado o 24, 25 e 31 de decembro, e 1,5,6 de xaneiro