A Deputación pecha ó tráfico por obras un treito da estrada 3508 en Navia de Suarna
A Deputación pecha temporalmente ó tráfico un treito CP-3508, a que discorre de Rao a Valouta por Murias, no Concello de Navia de Suarna, para levar a cabo labores de acondicionamento desta vía provincial.
Os cortes prodúcense de 9:00 a 13:30 horas e de 15:00 a 19:30 horas en días laborais. O motivo é o estendido de aglomerado entre os puntos quilométricos 0,00 e 7,41. Previsiblemente, os traballos prolongaranse ata o vindeiro día 20.
A institución provincial mantén habilitada rutas alternativas, debidamente sinalizadas, para os usuarios deste vial.
