A Deputación pón en marcha novas convocatorias de formación gratuíta para os 21.300 empregados públicos da provincia

A Deputación de Lugo vén de publicar hoxe no Boletín Oficial da Provincia unha nova convocatoria de cursos formativos que a Deputación dirixe á totalidade dos 21.300 traballadores que prestan os seus servizos na Administración Pública en Lugo. Son un total de 9 cursos, que forman parte do Plan Agrupado de Formación Continua para este ano, e que están dirixidos tanto a traballadores da Administración Local, coma do resto de Administracións, así como a membros das Policías Locais de todos os Concellos da provincia, colectivo este que xa foi obxecto da acción formativa da Deputación en pasadas edicións. A estes 9 primeiros uniránse outros que se publicarán a vindeira semana.

As accións formativas comezarán a partires do 12 de novembro e, mentres que 4 delas son “on line”, as restantes desenvolveranse nas Aulas de Formación da Deputación, nas Aulas da Policía Local en San Fiz e nas Aulas do In lugo, situadas na rúa Frei Plácido Rei Lemos da capital lucense.

9 cursos, 300 prazas e máis de 300 horas de formación

As accións formativas dispoñibles ofrecen un total de 300 prazas e sumen máis de 300 horas de formación, totalmente gratuíta, en materias coma emprego de aplicacións informáticas, uso de redes sociais, contratación pública, procedemento administrativo, servizo público e atención ó cidadán ou normativa de seguridade vial, no caso do curso dirixido ós policías locais. Os cursos dispoñibles son os os seguintes:

- “Servizo público e atención ó cidadán “on line”
Destinatarios: Persoal para acceso ou adscrito a oficinas de Información ao Público ou
Atención ao Cidadán, con especial vinculación a institucións da Administración Pública.
Nº de edicións: 01
Participantes por edición: 50
Horas por edición: 40
Calendario previsto: Do 14 novembro ó 19 decembro de 2012

- “Aplicación práctica do procedemento administrativo nas Administracións Públicas “on line”
Destinatarios: Persoal técnico e administrativo dos grupos C1, C2 da Admón. Local da provincia de Lugo
Nº de edicións: 01
Participantes por edición: 50
Horas por edición: 40
Calendario previsto: Do 12 novembro ó 5 decembro de 2011

- Actualización Policías Locais: aplicación da normativa de seguridade vial e transporte en vías urbanas
Destinatarios: Persoal do corpo da policía local da provincia de Lugo.
Nº de edicións: 02
Participantes por edición: 30
Horas por edición: 24
Calendario previsto: Do 12 ó 16 de novembro de 2012
Horario: Das 16:30 h.- 20:45 h.
Lugar celebración: Aula da Policía Local de Lugo (R/. das Artes, 33-35 - Sanfiz)

- Novidades na Lei de Contratos do Sector Público “on line”
Destinatarios: Persoal técnico e administrativo da administración local da provincia de Lugo
que desempeñen as súas funcións na área de contratación.
Nº de edicións: 01
Participantes por edición: 50
Horas por edición: 40
Calendario previsto: Do 12 novembro ó 5 decembro de 2011

- Microsoft Word avanzado
Destinatarios: Empregados públicos da Administración Local da provincia de Lugo, con
coñecementos en word básico, que necesiten coñecer en profundidade esta aplicación
informática
Nº de edicións: 01
Participantes por edición: 10
Horas por edición: 25
Calendario previsto: Do 26 novembro ó 13 decembro 2012
Horario: Das 8:00 h. ás 10:00 h.
Lugar celebración: Aula Informática Deputación

- Microsoft Excel Avanzado
Destinatarios: Empregados públicos da Administración Local da provincia de Lugo, con
coñecementos en excel básico e que necesiten coñecer en profundidade o manexo das
ferramentas e funcións de que dispón esta aplicación.
Nº de edicións: 01
Participantes por edición: 10
Horas por edición: 25
Calendario previsto: Do 26 novembro ó 5 decembro 2012
Horario: Das 17:00 h. ás 20:10 h.
Lugar celebración: Aula Informática Deputación

- Microsoft Access Avanzado
Destinatarios: Empregados públicos da Administración Local da provincia de Lugo, con
coñecementos en access básico e que necesiten este tipo de aplicación para deseñar
formularios e informes.
Nº de edicións: 01
Participantes por edición: 10
Horas por edición: 25
Calendario previsto: Do 12 ó 21 de novembro 2012
Horario: Das 17:00 h. ás 20:10 h.
Lugar celebración: Aula Informática Fundación Lucus Augusti

- A xestión patrimonial nas entidades locais “on line”
Destinatarios: Persoal técnico e administrativo (C1, C2) con responsabilidade no ámbito da
xestión patrimonial
Nº de edicións: 01
Participantes por edición: 50
Horas por edición: 40
Calendario previsto: Do 15 novembro ó 15 decembro de 2012

- Ferramentas Web 2.0: redes sociais e profesionais
Destinatarios: Empregados públicos da Administración Local da provincia de Lugo, que
desempeñen as súas funcións en áreas susceptibles de utilización de ferramentas
electrónicas de comunicación.
Nº de edicións: 01
Participantes por edición: 10
Horas por edición: 20
Calendario previsto: 20, 22, 23, 26 e 27 novembro de 2012
Horario: Das 16:30 h. ás 20:30 h.
Lugar celebración: Aulas do IN LUGO (R/. Frey Placido Rey Lemos, s/n)

Solicitudes antes do 30 de outubro

Todos os interesados en acceder a estas accións formativas, dispoñen de toda a información necesaria na páxina web www.deputacionlugo.com. Nesta páxina tamén poderán atopar e descargar o modelo de solicitude que deberán presentar, debidamente cuberto, no Rexistro Xeral da entidade, situado no edificio do Pazo provincial; por correo electrónico, no enderezo formacion@deputacionlugo.org; mediante fax dirixido ó número 982 260 169; por correo ordinario, enviando as instancias ó enderezo Rúa San Marcos, 8- 27001 Lugo; ou nos demais lugares sinalados no artigo 38.4 da Lei 30/19892, de 26 de novembro, de Réxime Xurídico das Administracións Públicas e do Procedemento Administrativo Común.