A Deputación acondiciona a contorna das instalacións da Sociedade Protectora de Animais e Plantas en Santa María de Muxa
![](/sites/deputacionlugo.org/files/Imagenes/0_8490_1.jpg)
A Deputada de Medio Ambiente e Enerxías Renovables, Sonsoles López Izquierdo, acompañada polo presidente da Sociedade Protectora de Animais e Plantas de Lugo, Javier García Calleja, supervisou esta mañá os traballos silvícolas que a Deputación de Lugo está levando a cabo na contorna das instalacións que a Protectora ten na parroquia lucense de Santa María de Muxa, e que rematarán nos vindeiros días.
Estes traballos, dotados cun orzamento de 7.000 euros, están financiados directamente pola institución provincial a través de área de Medio Ambiente, e consisten na roza da vexetación e na poda en altura de ducias de árbores na contorna das instalacións da Protectora, en concreto, nunha zona cunha superficie de 140x2,5 metros que rodea ó albergue. Unha vez rematados estes traballos, a Deputación tamén se fará cargo do transporte dos restos vexetais, que inclúen os pés de 10 exemplares de Piñeiros de California (Pinus radiata).
O crecemento incontrolado da vexetación supoñían unha molestia para os animais e dificultaban as tarefas dos traballadores da Protectora. Ademais, as árbores podadas afectaban ós pequenos refuxios nos que se resgardan os animais e que estropeaban e amezaban á estabilidades dos mesmos.
A Deputación de Lugo respondeu deste xeito á solicitude de axuda formulada por parte non só dos responsables da Sociedade Protectora lucense, senón tamén dos veciños da zona, afectados polo mal estado das fincas cercanas e das especies arbóreas que crecían nestas.