A Deputación colabora co curso de Adestramento de cans de pastoreo, que terá lugar o vindeiro mes de maio
A Deputación de Lugo colabora, unha vez máis, co Curso de adestramento de cans de pastoreo que terá lugar os vindeiros días 7 e 8 de maio, na parroquia de Santa María de Cospeito, facendo unha achega de 3.000 euros.
Grazas á colaboración da Deputación coa cita, xa son máis de 300 os gandeiros e particulares, non só de Galicia, senón tamén do resto do estado, que recibiron formación en pastoreo con cans nas 5 edicións que se levan celebrado ata o momento.
Os interesados en participar neste curso de adestramento, que será impartido por o experto navarro Alejandro Ibarra Artús, deberán formalizar a súa reserva no teléfono 660541534 ou no correo victordagrelo@hotmail.com. O prezo de inscrición é de 50 euros.
Curso de adestramento de cans de pastoreo conta cun total de 20 prazas dispoñibles, 10 para cada un dos días. Desenvolveranse en horario de mañá e tarde, de 9:30 a 13:30 horas e de 15:00 a 19:00 horas, que serán de carácter eminentemente práctico.
Ademais, proxectaranse vídeos explicativos das diferentes técnicas existentes que mellor se adaptan ás características do terreo, aos animais do rabaño ou ao carácter do propio can, dos que os participantes obterán copias para facilitar os coñecementos recibidos.
