Remata o Congreso Musapalabra no que participaron preto de 500 profesionais
Este luns rematou o Congreso Musapalabra, impulsado pola Rede Museística da Deputación de Lugo e coordinado por 79 profesionais de todo o mundo de Museos, Universidades, Terceiro Sector e Artistas que congrega a 437 inscritos arredor do tema da Migración. Este proxecto, coordinado dende a Deputación de Lugo, a través da Rede Museística, que forma parte do partenariado, xunto coa Universidade Complutense de Madrid, o Instituto de la Paz da Universidad de Granada, a Asociación Penitenciaria Concepción Arenal e o Museo de la Tertulia de Cali (Colombia).
Neste encontro participaron 79 coordinadorxs, profesionais de museos, universidades, terceiro sector e artistas de México, Costa Rica, Uruguai, Arxentina, Brasil, España, Italia, Portugal, Andorra e Siria, que compartiron os seus proxectos e reflexionaron sobre a Migración, tema fundamental que atravesa a experiencia de moitas persoas, profesionais e institucións e países.
Nun formato novidoso, os participantes tiveron acceso ás videoconferencias, ademais dun espazo común de Clase Virtual, a vídeo conferencias en You Tube, material complementario e varios foros en directo, que se mantiveron activos por escrito en tempo diferido.
Este domingo dia 27 de xaneiro, os participantes realizaron unha proba que, de ser superada, recibirán a acreditación das 240 horas de formación impartidas neste Congreso que se leva celebrando dende o 14 de decembro de 2018. Este mesmo formato vaise repetir nun novo congreso no que se vai debater e reflexionar sobre cuestións de xénero, primeiro virtualmente e, posteriormente, en formato presencial no vindeiro mes de maio.
A Coordinación Xeral do Congreso Virtual Musapalabra Migración estivo a cargo de Encarna Lago e Silvia Fiallega da Rede Museística, e de Leonardo Casado como membro da Asociación Trabajadores de Museos y el Observatorio de Museos Universitarios de la Universidad Nacional de La Plata e Patricia Torre que pertence a rede de Museos Creativos. Para a realización deste proxecto contouse coa colaboración na Secretaría Xeral Técnica do congreso presencial de Silvia Fiallega, Fernando Arribas e Antonio Reigosa.
