A Deputación mellora a competitividade de preto de 160 Pemes da Zona Centro da provincia coas marcas de calidade LugoSabe e Lug02
O Presidente da Deputación de Lugo, José Ramón Gómez Besteiro, entregou este xoves en Vilalba os títulos acreditativos das marcas LugoSabe e Lug02 a 157 pequenas e medianas empresas da Zona Centro da provincia que, tras superar rigorosas auditorías, obtiveron de maneira totalmente gratuíta os distintivos de calidade outorgados polo organismo provincial. O obxectivo desta iniciativa é mellorar a competitividade e posicionamento no mercado destes 69 produtores e 88 establecementos turísticos.
Gómez Besteiro destacou a aposta da Deputación polos produtos autóctonos de calidade como xeradores de riqueza para a provincia, e asegurou que con estes títulos as entidades beneficiarias acreditan que os seus produtos ou servizos son de calidade, o que xera confianza no consumidor e converte ás empresas da provincia en referente comercial. A Deputación facilitará, ademais, a presenza destes negocios en recoñecidas feiras e eventos, realizará campañas divulgativas e incrementará os puntos de promoción e venda.
O Presidente insistiu no apoio da Deputación ós autónomos e Pemes da provincia, auténtica columna vertebral da economía lucense, a través de diferentes iniciativas postas en marcha pola institución provincial, encamiñadas á mellora da súa competitividade e posicionamento no mercado. Neste sentido, fixo mención a estas distincións de calidade, a implantación e impulso das novas tecnoloxías dentro da empresa, ou a explotación de novas canles de comercialización, como a plataforma de comercio electrónico www.losproductosdelugo.com, á que Gómez Besteiro animou a sumarse a todas as empresas de produtos e servizos da provincia.
Rigorosas auditorías
Para conceder as marcas LugoSabe e Lug02, a Deputación desenvolve un rigoroso procedemento que garante o cumprimento dos requisitos esixidos, mediante a comprobación tanto de documentación como as que realiza in situ. Hai que destacar que estas auditorías están avaladas por AENOR, líder en certificación de sistemas de xestión, produtos e servizos a nivel internacional. As marcas Lug02 e LugoSabe garanten, pois, servizos e produtos de auténtica calidade ó tempo que fomentan as boas prácticas medioambientais. Así, LugoSabe ofrece produtos autóctonos sometidos a rigorosas prácticas de control en toda a cadea de fabricación: produción, envasado, embalaxe, almacenamento e distribución.
Pola súa banda, a marca Lug02 está dirixida a establecementos turísticos como hoteis, balnearios, campamentos, casas rurais, pazos ou restaurantes. Este distintivo, ademais de rexerse polas Normas de Calidade Turística ICTE-, que avalan servizos óptimos como accesos para persoas con discapacidade, material informativo en todos os idiomas, infraestruturas de calidade ou a atención de persoal cualificado, está ligado á implantación das novas tecnoloxías na empresa, á conservación do medio ambiente e ó impulso dos produtos alimenticios da provincia. A iniciativa está financiada ó 80% por fondos europeos a través do programa Lug02.
As empresas agroalimentarias da zona centro que acadaron a marca LugoSabe son, por Concellos:
Abadín (1): a produtora de carne de tenreira galega Cooperativa San Cidre.
Antas de Ulla (1): a queixería Artelac.
As Nogais (1): a panadería Nullán
Baralla (6): a produtora de castañas e mazás ecolóxicas Esther Dacal Fernández; a de carne de tenreira galega ecolóxica Casa Palacio; a de castañas, noces e mazás ecolóxicas Casa Agustín; a de carne de tenreira galega ecolóxica suprema José Antonio Fernández Álvarez; a queixería Marques de Cernadas; e a produtora de castañas e mazás ecolóxicas Susana Díaz García.
Castroverde (1): a queixería Santo André.
O Corgo (3): as empresa produtoras de conservas e derivados dos cogomelos Champi Osca e Ecofunghi, e a de galo de Mos Herminia Bran Pazos.
Friol (16): as empresas de recría de polos de cebo ecolóxicos José Luis Iglesias Prado e Mª Pilar Villar Hermida; a Gandos Bran como produtores de leite e criadores de polo Broiler; a José Ángel López Lodeiro como como produtor de leite e criador de polo Broiler e Kuc; José Luis Roca Peteiro como produtor de leite de vaca e carne de tenreira galega suprema criada en extensivo; a gandería da Morena, pola carne de tenreira galega suprema; os produtores de leite de vaca Antonio Saavedra Mazariegos e Constantino Fraga Redondo; o de leite de vaca ecolóxico Cooperativa Friol Burgo de Negral; a Teresa Prado Novo produtora de tenreira galega suprema; e as panaderías Casa Grande, Casanova e Ferreiro.
Fonsagrada (2): produtos de porco celta Casa Castelao e Embutidos Buenavista.
Guntín (1): o produtor de pemento de Mougán Juan Carlos Besteiro López.
O Incio (1): produtos de porco celta Porco Celta do Incio e Adegas Terra Brava.
Lourenzá (1): a empresa produtora de hortalizas e legumes Ecodeallo.
Meira (1): a empresa produtora de cabra e cabrito galego Beealia.
Monterroso (3): produtor de leite e galletas ecolóxicas Granxa Maruxa; e as queixerías Doqueixa e Casa Meilán.
O Páramo (1): a gandeiría Quintián.
Outeiro de Rei (2): os produtores de galo de Mos Galimós, e de ovella galega SAT Torre dos Arcos.
Palas de Rei (4): a queixería Agroturismo Arqueixal; a gando e lácteos A Cernada; panadería Fraga; e á empresa de cultivo ecolóxico Milhulloa.
Pedrafita do Cebreiro (1): Queixería Castelao.
Ribadeo (2): a panadería La Plaza e fabas de Lourenzá Casa Valego.
Riotorto (1): a empresa produtora de ovella e cabra galega Fleire.
Samos (2): a empresa de carne de ovella galega e cabra galega Alberto Santín González e o criador de porco celta Manuel Losada Fernández.
Sarria (12): as empresas de produtos cárnicos e derivados de tenreira ecolóxica, porco celta, ibérico ou gando ovino Carballada, Cárnicas Teijeiro, Mª Teresa Chousa Losada, Rivera Tapas, José Luis Pereiro Freán e Luz Divina Pérez Pérez; a queixería Sarrianas; as panaderías Pallares e Gumersindo; e as empresas de carne e embutidos Casa Neiras, Cárnicas Dosmar e Gandería Martín.
Triacastela (1): Gandería Cachenas de San Breixo.
Vilalba (2): as queixerías Catadoiro e Fontelas.
Xove (1): conservas e produtos do mar Curricán.
Coa marca Lug02 contan os seguintes establecementos hostaleiros:
Abadín (1): Niza.
Alfoz (1): Casa Franco.
Antas de Ulla (1): A Forxa.
As Nogais (2): A Lareira e Urogallo.
Becerreá (3): Casa Bouza, Casa Poy e Herbón.
Begonte (1): La Ruta Esmeralda.
Castro de Rei (2): Cóndor e Mesón de Castro.
Cospeito (4): Aldea Celta Citania de Veria, Casa Beira Miño, Casa Rural de Vila e Casa do Pacio.
Folgoso do Courel (1): Casa Ferreiro.
Friol (1): BI Terra.
Monterroso (1): Pazo Ludeiro.
Navia de Suarna (1): Casa Suarna.
O Incio (1): Casa do Cabazo.
Palas de Rei (2): Casa da Ponte e Hotel Balneario Río Pambre.
Ribeira de Piquín (1): Hotel Mirador de Barcia.
Samos (2): A Veiga e Casa Licerio.
Sarria (13): Albergue A Pedra, Hostal A Pedra, Albergue Don Álvaro, Albergue Mayor, Camping Vila de Sarria, Casa Barbadelo, Casa Caxigueiro, DP Cristal, Hostal As Rodas, Hotel Alfonso IX, Mar de Plata, Rectoral de Goián e Roma.
Vilalba (6): Casa Maragata, Nova Ruta, Terra Chá, Venezuela, Vila do Alba e Parador de Vilalba.
Xermade (1): Casa da Fraga.
Ourol (1): Casa Os Carballás.
Os restaurantes:
Abadín (1): Niza.
As Nogais (1): Urogallo.
Becerreá (2): Boavista e Casa Poy.
Begonte (4): A Ruta Esmeralda, Casa Varela, Galicia e Taberna do Labrego.
Castro de Rei (2): Mesón de Castro e Cóndor.
Cospeito (4): O Centro, O Cabuxo, O Xugo e Beiramiño
Friol (1): BI Terra.
Guntín (1): Mesón de Pallares.
Monterroso (1): Pizzería Andorrana.
Palas de Rei (1): A Forxa.
Pedrafita (1): Casa Carolo.
Sarria (13): Cristal, As Rodas, Litmar, Matías Locanda Italiana, Mesón Ateneo, Mesón O Tapas, O Descanso, O Romeo, Pizzería Dezasete, Camping Vila de Sarria, Ponte Riveira, Mar de Plata e Roma.
Vilalba (8): Casa Maragata, Nova Ruta, Lanzós, Naseiro, Terra Chá, Restaurante Regueira, O Bosque e restaurante dos Andrade.