O Goberno levará ao Pleno do día 28 a aprobación das bases do Plan Único 2022, que ascende a 21,5M€
![Imaxe deputación de lugo](/sites/deputacionlugo.org/files/default_images/depulugo001.jpg)
Como novidade e para facilitar a tramitación administrativa, algo moi importante sobre todo para os concellos máis pequenos, establécese que só deberán enviar a documentación que acredite e xustifique debidamente as actuacións realizadas, eliminando trámites intermedios
A Deputación fai a través do Plan Único unha distribución dos recursos públicos entre os 67 concellos da provincia con criterios públicos e obxectivos, como son a superficie, a poboación, o índice de envellecemento e a dispersión territorial
O Goberno da Deputación de Lugo anuncia que elevará ao Pleno ordinario deste mes, que terá lugar o vindeiro martes, 28 de decembro, o debate e aprobación das bases do Plan Único de Cooperación cos Concellos 2022, ao que destina 21,5M€ para desenvolver actuacións en materia de infraestruturas, creación de emprego, Servizo de Axuda no Fogar, actividades, eventos, administración electrónica ou medidas fronte á Covid-19.
Desta forma, por segundo consecutivo o Executivo provincial saca adiante o programa de investimentos no exercizo anterior ao seu período de vixencia, o que permite ás entidades locais planificar as accións municipais con maior antelación e traballar con máis previsión e tempo, de forma que poidan poden aproveitar mellor os fondos.
Como novidade e para facilitar a tramitación administrativa, algo moi importante sobre todo para os concellos máis pequenos, establécese que só deberán enviar a documentación que acredite e xustifique debidamente as actuacións realizadas, eliminando trámites intermedios.
O Presidente da Deputación, José Tomé Roca, explica que “este é un avance importante para os concellos, que nos expresaban que en ocasións tiñan dificultades para preparar e enviar a documentación en tempo e forma. Desta maneira, dáselles máis autonomía e só deberán informar á Deputación unha vez rematados os traballos ou feitas as accións ou actividades”.
Así mesmo, o mandatario provincial explica que esta medida “forma parte do noso compromiso de máxima cooperación cos concellos. Cada ano tratamos de incorporar melloras no Plan Único, sempre pensadas para facilitarlles a planificación e a xestión dos investimentos e para que estes fondos sirvan da mellor maneira posible para atender as necesidades dos seus veciños e veciñas. Así se vén facendo nos últimos anos, onde o Plan se adaptou á nova situación sanitaria abrindo unha nova liña para paliar o impacto da Covid-19 co fin de ser unha administración útil e próxima para combater a crise provocada pola pandemia e favorecer a recuperación social e económica”, subliña Tomé Roca.
Apertura do prazo en xaneiro
Ao aprobarse neste mes as bases do Plan Único, o Goberno da Deputación prevé que a principios de xaneiro xa se poida abrir o prazo para que os concellos presenten os proxectos que queren desenvolver cos fondos do Plan Único.
Ademais, ao igual que o pasado ano, as entidades locais poderán imputar os gastos de contratación de persoal dende primeiros de ano, o que lles axudará a aproveitar mellor o Plan Único e que favorecerá a creación de postos de traballo.
A institución provincial continúa coa liña Covid-19 para apoiar e colaborar cos municipios nas necesidades que teñan derivadas da pandemia. Así mesmo, é unha vía de apoio ó sector servizos como a hostalería, turismo e comercio, actividades que resultan das máis gravemente afectadas polo impacto da pandemia e que son o músculo da actividade económica da provincia. Unha medida que amosa que as políticas da Deputación están pegadas á realidade da provincia e axudan a recuperar e a manterse aos sectores produtivos.
Reparto por criterios obxectivos
O Plan Único 2022 mantén a súa esencia, como é a distribución dos fondos en función de criterios públicos e obxectivos, como son a poboación, a superficie, a dispersión territorial e a taxa de envellecemento, segundo os datos oficiais do Instituto Nacional de Estatística.
Estes criterios establecen unha contía máxima de 500.000 e mínima de 200.000€, coa que se blinda o financiamento do concellos máis pequenos.
CONCELLOS | ACHEGA DEPUTACIÓN PLAN ÚNICO 2022 |
---|---|
ABADÍN | 337.055,11 € |
ALFOZ | 274.196,80 € |
ANTAS DE ULLA | 274.301,59 € |
BALEIRA | 277.464,84 € |
BARALLA | 292.595,56 € |
BARREIROS | 276.404,18 € |
BECERREÁ | 303.947,87 € |
BEGONTE | 296.673,21 € |
BÓVEDA | 246.877,91 € |
BURELA | 376.404,19 € |
CARBALLEDO | 316.550,68 € |
CASTRO DE REI | 395.470,03 € |
CASTROVERDE | 304.596,43 € |
CERVANTES | 329.824,00 € |
CERVO | 297.362,87 € |
CORGO (O) | 341.414,11 € |
COSPEITO | 363.065,05 € |
CHANTADA | 471.849,81 € |
FOLGOSO DO COUREL | 269.009,93 € |
FONSAGRADA (A) | 444.285,24 € |
FOZ | 429.621,41 € |
FRIOL | 412.703,31 € |
GUITIRIZ | 446.479,57 € |
GUNTÍN | 318.059,51 € |
O INCIO (0) | 289.486,97 € |
LÁNCARA | 298.607,89 € |
LOURENZÁ | 252.721,86 € |
LUGO | 500.000,00 € |
MEIRA | 224.743,86 € |
MONDOÑEDO | 309.135,66 € |
MONFORTE DE LEMOS | 500.000,00 € |
MONTERROSO | 307.724,16 € |
MURAS | 284.064,87 € |
NAVIA DE SUARNA | 306.506,68 € |
NEGUEIRA DE MUÑIZ | 194.267,77 € |
NOGAIS (AS) | 243.368,74 € |
OUROL | 305.960,67 € |
OUTEIRO DE REI | 359.001,21 € |
PALAS DE REI | 378.157,78 € |
PANTÓN | 330.103,55 € |
PARADELA | 291.020,42 € |
PÁRAMO (O) | 245.691,31 € |
PASTORIZA (A) | 327.219,01 € |
PEDRAFITA DO CEBREIRO | 254.013,46 € |
POBRA DO BROLLÓN (A) | 283.495,95 € |
POL | 268.331,14 € |
PONTENOVA (A) | 274.668,93 € |
PORTOMARÍN | 263.989,47 € |
QUIROGA | 351.988,04 € |
RÁBADE | 195.887,76 € |
RIBADEO | 450.612,27 € |
RIBAS DE SIL | 231.114,70 € |
RIBEIRA DE PIQUÍN | 231.652,20 € |
RIOTORTO | 238.089,60 € |
SAMOS | 282.251,29 € |
SARRIA | 500.000,00 € |
SAVIÑAO (O) | 383.959,75 € |
SOBER | 323.730,24 € |
TABOADA | 329.800,53 € |
TRABADA | 253.891,01 € |
TRIACASTELA | 204.414,27 € |
VALADOURO (O) | 288.261,69 € |
VICEDO (O) | 258.502,76 € |
VILALBA | 500.000,00 € |
VIVEIRO | 500.000,00 € |
XERMADE | 308.297,41 € |
XOVE | 279.051,89 € |
TOTAL | 21.500.000,00 € |