García Porto recibe na Deputación a un grupo de escolares da Pastoriza e Zaragoza
A Deputada de Réxime Interior, Promoción do Territorio e Turismo, Pilar García Porto, recibiu este xoves no Pazo de San Marcos a 56 escolares de entre 11 e 12 anos do CEIP O Salvador da Pastoriza e do Centro Rural Agrupado Bajo Gállego de Zaragoza. Ambos centros, que recibiron un premio do Ministerio de Educación polo seu proxecto conxunto Sustentabilidade, saúde e deporte no medio rural, participan estes días nun intercambio que se enmarca nese recoñecemento.
No encontro que tivo lugar no Salón de Actos, García Porto explicoulles o que é a Deputación e o papel que xoga no día a día dos cidadáns. Puxo en valor o patrimonio natural da provincia e a ampla diversidade que atesoura o territorio lucense.
Os escolares visitaron pola mañá a Ribeira Sacra, viaxaron no catamarán da Deputación que parte de Ponte do Sil invitados pola institución e xa pola tarde coñecerán a cidade de Lugo.
