Rural prepara a quinta edición do programa Da Escola á Granxa

A área de Rural da Vicepresidencia da Deputación de Lugo prepara a quinta edición do programa de actividades educativas no rural Da Escola á Granxa.

No marco das reunións de traballo mantidas con granxas e comunidade educativa para perfilar a oferta educativa da vindeira convocatoria, o deputado Daniel García mantivo unha xuntanza coa concelleira de Educación e Difusión do Coñecemento Iria Buíde coa que constrastou distintos aspectos do funcionamento do programa, dirixido a anpas de centros educativos de infantil e primaria de toda a provincia.

En 2025, participaron no programa alumnas e alumnos dos colexios lucenses CEIP Illa Verde, do CEIP Casas, de Franciscanos, do CEIP Rosalía de Castro, do Colexio A Milagrosa de Lugo, CEIP  A Ponte, do Colexio Salesiano Divina Pastora, CPR Divino Maestro Lugo, A Anexa, CEIP de Nadela ou CEIP das Mercedes.