A Deputación participa no recoñecemento do Concello á Confraría de Pescadores de Burela
![](/sites/deputacionlugo.org/files/2023-11/181123%20Entrega%20da%20Medalla%20de%20honra%20Burela.jpeg)
O Deputado de Recursos Sostibles, Francisco Cajoto Caserío, participou este sábado no acto de entrega da Medalla de Honra do Concello de Burela á Confraría de Pescadores do municipio. A cita, que tivo lugar no Salón de Plenos, tivo como obxectivo recoñecer a contribución deste colectivo ao progreso da vila.
O Patrón da Confraría, Basilio Otero, recolleu o distintivo de mans da Alcaldesa de Burela, Carmela López, nun acto ao que tamén asistiron diferentes representantes do tecido social, concelleiros e concelleiras, e veciños e veciñas do municipio.
A Confraría de Pescadores de Burela, que cumpre 100 anos mañá, actúa como órgano de consulta e colaboración coas administracións na promoción do sector pesqueiro, representando os intereses económicos, sociais e corporativos dos seus profesionais.