O Presidente supervisa as melloras que acomete a Asociación de Pescadores da Ulloa no criadeiro de troitas de Augalavada, en Monterroso,co apoio da Deputación
Creada no ano 2000 co obxectivo de afianzar a pesca sostible, é un dos colectivos da provincia con maior número de socios, máis de 600 na actualidade
O Presidente da Deputación de Lugo, José Tomé Roca, supervisou este martes as melloras que está acometendo a Asociación de Pescadores da Ulloano criadeiro de troitas que ten en Augalavada, na parroquia de Casadenaia, en Antas de Ulla, cunha axuda económica da institución provincial de 8.000€. José Tomé, xunto á Deputada de Réxime Interior, Promoción do Territorio e Turismo, Pilar García Porto, percorreu as instalaciónscon representantes do colectivo.
A achega da Deputación serviu concretamentepara a construción dun almacén de apeiros e para instalar unha pasarela de madeira natural sobre o rego Rao nas instalacións do criadeiro de troitas coas que conta o colectivo. A pasarela servirá para os labores de cría, pero tamén para darlle continuidade ao paseo existente na marxe do río Ulla ao seu paso polo municipio monterrosino.
Máis de 600 socios forman parte da Asociación de Pescadores da Ulloa, unha sociedade que naceu no ano 2000 en Monterroso co obxectivo de afianzar a pesca sostible. Este é un dos colectivos de pesca con maior número de integrantes da provincia, e tamén é un referente polas iniciativas que desenvolve nos tres cotos nos que actúa: no detengo intensivo da Ulloa, o de Monterroso e o de Antas de Ulla.
