A Vicepresidencia da Deputación programa 18 de proxeccións de cine en galego ao aire libre
A área de Cultura da Vicepresidencia da Deputación de Lugo promove un ciclo de cine con proxeccións ao aire libre que chegarán a dezaoito concellos. As Bestas (Rodrigo Sorogoyen, 2022), Matria (Álvaro Gago, 2023) e Sica (Carla Subirana, 2023) son os filmes que se poderán ver con este programa que pretende ampliar a difusión do cine en galego.
O Saviñao, Cervantes, O Valadouro, Lourenzá, Muras, O Corgo, Carballedo, Navia de Suarna, O Vicedo, Outeiro de Rei, Riotorto, Meira, Taboada, Vilalba, Ribeira de Piquín, Castro de Rei, Pantón, Castroverde e Ourol son os concellos que acollen as proxeccións, programadas en colaboración con asociacións culturais e veciñais.
A deputada de Cultura Iria Castro sinalou que “a través deste ciclo achegamos o cine en galego non só ás vilas e capitais de comarca senón tamén a parroquias e localidades máis pequenas, cumprindo cunha das premisas coas que traballamos desde á área de Cultura, que é levar propostas culturais de calidade e en galego ao todo o territorio, contribuíndo a ampliar a axenda que preparan os concellos e as asociacións culturais”.
O ciclo de cine na rúa complementa outras accións para reforzar o galego no audiovisual que desenvolve a área de Cultura como o Ciclo Mestre Mateo, organizado en colaboración coa Academia Galega do Audiovisual, co que se están a proxectar as longametraxes finalistas dos premios Mestre Mateo en Chantada, Vilalba, Foz, A Pobra do Brollón, Sarria, Fonsagrada, Becerreá e Meira.
SICA | CERVANTES
Venres 4 de agosto | 22:00h | Patio do colexio, San Román
AS BESTAS | O VALADOURO
Sábado, 5 de agosto | 22.15 horas | Praza de Santa María, Ferreira
MATRIA | LOURENZÁ
Mércores, 9 de agosto | 22.00 horas | Campo dos Bolos
AS BESTAS I MURAS
Venres, 11 de agosto I 22:00 horas I Área Recreativa da Veiga
MATRIA l O CORGO
Domingo, 13 de agosto I 22.00 horas I Pista multideporte de Cela
AS BESTAS l CARBALLEDO
Luns, 14 de agosto I 22.00 horas I Campo da feira de Castro
MATRIA I NAVIA DE SUARNA
Xoves, 17 de agosto I 22.00 horas I Praza do Chao da Torre
AS BESTAS l O VICEDO
Venres, 18 de agosto I 22.00 horas I Explanada de Area Grande
AS BESTAS l OUTEIRO DE REI
Sábado, 19 de agosto I 21.45 horas I Campo da festa de Martul
MATRIA I RIOTORTO
Sábado, 19 de agosto I 22.00 horas I Campo da festa de Santa Comba de Órrea
MATRIA I MEIRA
Martes, 22 de agosto I 22.00 horas I Praza do Convento
SICA I TABOADA
Xoves, 24 de agosto I 21.30 horas I Alameda
SICA I VILALBA
Xoves, 24 de agosto I 22.00 horas I Parque Rosalía de Castro
AS BESTAS I RIBEIRA DE PIQUÍN
Venres, 25 de agosto I 21.30 horas I Área recreativa do Chao do Pousadoiro
AS BESTAS I CASTRO DE REI
Sábado, 26 de agosto I 22.00 horas I Campo de feira de Castro de Rei
AS BESTAS I PANTÓN
Sábado, 26 de agosto I 22.00 horas I Aira da Rectoral
MATRIA I CASTROVERDE
Venres, 1 de setembro I 22.00 horas I Campo da festa de Montecubeiro
AS BESTAS I OUROL
Sábado, 2 de setembro I 21:30 horas I Aparcamento do Local Social de Bravos
