A Deputación participa na entrega do premio Cogomelo Lucus á Asociación Galega de Custodia do Territorio
![](/sites/deputacionlugo.org/files/2021-12/20211201_204433.jpg)
O Deputado de Medio Ambiente, José Luis Raposo, participou este mércores na entrega do premio Cogomelo Lucus que nesta ocasión a Sociedade Micolóxica Lucus decidiu conceder á Asociación Galega de Custodia do Territorio, que xestiona espazos de titularidade provincial tan importantes como as Insuas do Miño e Ollos de Begonte, integrados na Reserva da Biosfera Terras do Miño. No acto, celebrado no Restaurante España e que contou cunha degustación de fungos, Raposo valorou que “ademais dun valor ambiental moi importante, os cogomelos son un apreciado produto culinario que xera valor engadido”.