DOCUMENTO DESTACADO

Proxecto de Hospital para a cidade de Lugo: fachada principal, Lugo (1861). Arquitecto: Ángel Cosín y Martín. Sin.GF PL1.9 ADPL

A cidade de Lugo viuse afectada en tres ocasións pola cólera-morbo sufrida nos anos que abarcan desde 1837 a 1865, ao que debemos engadir as malas condicións das instalacións médicas municipais. Ante este panorama, formúlase a necesidade de construír un hospital de nova planta, que segundo a Junta Provincial de Beneficencia y Sanidad se instalaría en San Marcos, entre a capela do Santo e a Rúa da Porta Falsa.

Con motivo da visita de Isabel II á cidade de Lugo, o seu confesor recompilou información sobre as necesidades benéficas lucenses, entre as que estaba a construción dun novo centro hospitalario, para o cal enviou un donativo. Pouco despois da visita da raíña, chegaba a Lugo o primeiro arquitecto provincial: Ángel Cosín y Martín, ao que o gobernador lle encargou o proxecto para o hospital, presentado en 1861.

Porén, non será ata 1875 cando rematen as obras, a pesar de que as instalacións do Hospital nunca chegaron a funcionar como tal, se non como Instituto de 2ª ensinanza, Biblioteca provincial e as propias instalacións da Deputación.