A Deputación despexa de neve estradas provinciais de concellos da Montaña coas primeiras nevaradas do ano
A Deputación de Lugo traballa desde primeira hora deste venres día 5 de xaneiropara despexar de neve as estradas provincias dos concellos da Montaña afectados polas primeiras nevaradas do ano, que acumulanentre 3 e 5 centímetros nas cotas máis altas. Nestes momentos, a institución provincial ten despregado 9 máquinas e vehículos,e está a actuar concretamente en vías nos concellos de Cervantes, Pedrafita do Cebreiro,O Courel, A Fonsagrada e Navia de Suarna para facilitar e garantir a mobilidade e seguridade da rede viaria provincial.
O dispositivo provincial mantense operativo ante a alerta amarela activada na provincia de Lugo, na que se prevé neve a partir dos 800 metros nas vindeiras horas. O Plan de Vialidade Invernal da Deputación está composto por 112 operarios e 64 máquinas, ademais de 12 silos que a institución provincial ten distribuídos por toda a provincia e que dispoñen dun total de 420 toneladas de sal de mina.
