O Presidente felicita a Luis Germán Avilés Cabrera na súa toma de posesión como Xefe da Comandancia da Garda Civil de Lugo
O Presidente da Deputación de Lugo, José Tomé Roca, asistiu este venres á toma de posesión do Coronel Luis Germán Áviles Cabrera como Xefe da Comandancia da Garda Civil de Lugo. A este acto, que tivo lugar na Comandancia da Garda Civil de Lugo, tamén asistiu o Delegado do Goberno en Galicia, Pedro Blanco Lobeiras, e o Alcalde do Concello de Lugo, Miguel Fernández Méndez, entre outras autoridades.
José Tomé puxo en valor a traxectoria profesional de Avilés Cabrera “que vén de coordinar as comandancias de Oviedo e Zaragoza”, e felicitouno por esta nova responsabilidade que asume tras o mandato de Manuel Touceda Souto. Así mesmo, o mandatario provincial tamén lle desexou moita sorte nesta etapa e no desenvolvemento das súas funcións, subliñando o seu compromiso co benestar e a seguridade dos veciños e veciñas de Lugo.
